Georgia

No. of :

No. of Shares:

Currently viewed by: Marcus Rosit

Hiligaynon News: Koleksyon sa buhis sang BIR Capiz lapaw sa target

SYUDAD SANG ROXAS, Capiz (PIA) -- Mas mataas nga koleksyon sang buhis ang natigayon nga matipon sang Bureau of Internal Revenue (BIR) diri sa probinsya sang Capiz.

Naglab-ot sa P633,778,389.19 ang nakolekta nga buhis sang BIR - Revenue District Office (BIR-RDO) No. 72 humalin Enero tubtob Hunyo karon nga tuig.

Ang nasambit nga koleksyon ang mas mataas sang kapin 2.62 ka porsyento sa target nga P617,625,000.00 nga dapat makolekta sa nauna nga anom ka bulan sang tuig 2021 kag mas mataas naman sang kapin 15.88 porsyento kon ipaanggid sa aktwal nga koleksyon sang buhis sa kapareho nga binulan sang nagligad nga tuig 2020.

Samtang, ginpasalamatan ni Eralen De Aro nga Revenue District Officer sang BIR - RDO No. 72 ang mga taxpayers sa Capiz bangud sang ila matinumanon nga pagbayad sang egsakto nga buhis sa egsakto nga oras.

Kalakip man sa ginpasalamatan kag may kontribusyon sa kampanya sa pagkolekta sang buhis amo ang mga empleyado sang RDO nga padayon nga naga-serbisyo bisan pa sa mga kabudlay kag katalagman nga dala sang pandemya.

Nahibaluan nga ang BIR Capiz ang naga-target naman sang P619,652,000.00 nga koleksyon sang buhis humalin Hulyo tubtob Disyembre agud nga malab-ot sang ahensya ang "tax goal" para sa tuig 2021.

Sa may mga palamangkutanon tuhoy sa pagbayad o koleksyon sang buhis, ang BIR Capiz ang sarang malab-ot ukon makontak pinaagi sa mga numero (036) 6216554, 5221194, 5221195, cellphone number (Globe) 09458045481 kag (Smart) 09983853955 magluwas pa sa pagpadala sang mensahe sa Facebook page –birrdo072roxascity. (JBG/AAL/PIA Capiz/BIR)

About the Author

Alex Lumaque

Writer

Region 6

Writer :)

Feedback / Comment

Get in touch