Georgia

No. of :

No. of Shares:

Currently viewed by: Marcus Rosit

Brigada Eskwela magpadayon bisan walay face-to-face classes – DepEd

TAGBILARAN CITY, Bohol, Aug. 2 (PIA) -- Magpadayon ang Brigada Eskwela sa Department of Education (DepEd) karong tuig bisan walay mahitabong face-to-face classes.

Sa bag-ong gipagawas nga memorandum order sa DepEd alang sa mga schools division offices ug regional offices, ang pagpahigayon sa Brigada Eskwela magsugod sa Agosto 3 hangtod Setyembre 30.

Ang maong aktibidad karong tuig nagdala sa tema nga “Bayanihan para sa Paaralan” ug “Handang Paaralan para sa Handang Pasukan.”

Ang Brigada Eskwela 2021 nagtinguha sa pagpalig-on sa pagbayanihan sa DepEd ug mga stakeholders alang sa padayon nga paghatod sa dekalidad nga edukasyon taliwala sa pandemya karong umaabot nga pagbukas sa klase.

Ang National Kick-Off Ceremony ipahigayon sa Agosto 3, 2021 sa pagpanguna sa Schools Division Office sa Tagum City sa DepEd Region 11, sa alas 2 sa hapon.

May kaugalingon usab nga kick-off ceremony ang mga Regional Offices ug Schools Division Offices sa nagkalain-laing lugar.

Sa Setyembre 12 gitakda ang pagbukas og balik sa klase sa mga pampublikong tunghaan. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch