SYUDAD SANG ROXAS, Capiz (PIA) -- Nagbaton sang P12,000.00 nga bulig pinansyal ang tagsa ka pamilya nga nasunugan sa Barangay Culasi, Roxas City nagikan sa Department of Social Welfare and Development (DSWD) kag Office of Senator Christopher Lawrence "Bong" Go sa ginpatigayon nga pagpanagtag sang ayuda sa mga biktima sadtong Agosto 22 sa covered court sang barangay.
Nahibaluan nga naabo ang panimalay kag pagkabutang sang 17 ka pamilya sang Culasi sa sunog sadtong Agosto 17 sang hapon.
Ang kantidad nga nabaton sang mga biktima ang ginabug-usan sang P10,000.00 nga Assistance to Individual in Crisis Situation (AICS) sang DSWD kag P2,000.00 nagikan sa talatapan ni Senador Go.
Samtang, ginpaabot ni Mayor Ronnie Dadivas sang syudad sang Roxas ang pagpasalamat sa Office of the Presidential Assistant for the Visayas, talatapan ni Senador Go kag DSWD sa gilayon nga pagpaabot sang bulig para nga magamit sang mga biktima nga liwat nga makabangon gikan sa trahedya.
Ang paghatag sang bulig pinansyal ang gintambongan nanday Assistant Secretary Victor Neri sang DSWD, Assistant Sec. Kristine Evangelista sang Department of Agriculture, Undersecretary Gerard Salapantan sang Presidential Legislative Liaison Office, Mae Samantha Dela Peña nga political officer ni Senador Go, Alma Juaneza nga Executive Assistant sang OPAV - Iloilo City, mayor Dadivas, Punong Barangay Teresa Almalbis kag madamu nga iban pa.
Ang paghatag sang bulig pinansyal ang gintambongan nanday Assistant Secretary Victor Neri sang DSWD, Assistant Sec. Kristine Evangelista sang Department of Agriculture, Undersecretary Gerard Salapantan sang Presidential Legislative Liaison Office, Mae Samantha Dela Peña nga political officer ni Senador Go, Alma Juaneza nga Executive Assistant sang OPAV - Iloilo City, mayor Dadivas, Punong Barangay Teresa Almalbis kag madamu nga iban pa.
Nauna na nga nagpaabot man sang bulig ang lokal nga panguluhan sang syudad
