Georgia

No. of :

No. of Shares:

Currently viewed by: Marcus Rosit

'Bantala Awards' bukas na sa mga nominasyon

SYUDAD SANG ROXAS, Capiz (PIA) -- Nagabaton na ang University of the Philippines Visayas sang mga nominasyon para sa "Media Excellence Awards" agud nga kilalahon ang mga talalupangdon kag responsable nga kontribusyon sang mga mamahayag sa rehiyon.

Ang "Media Excellence Awards" nga ginahingadlan "Bantala" ang ginlunsyar sang Marso 25 karon nga tuig kag ginsundan sang pagpahibalo sang "Bantala" nga inisyatibo sa mga katapo sang media agud nga
magpasakop sa nasambit nga hilikuton.

Ginpahayag ni Dr. Zoilo Andrada, Jr. nga Project Development Assistant para sa Mass Media and Communications sang Office of the Chancellor sang UPV nga ang deadline sa pag-sumite sang mga nominasyon ang gintalana sa Disyembre 15 para sa pagpili kag pag-desisyon sang mga hurado para sa labing una nga Media Excellence Awards Night sa Marso 2022.

Ang mga mapalaron nga mga entries ang magabaton sang cash nga premyo kag tropeyo.

Nahibaluan nga ang mga nabalhag ukon napalayag sa kahanginan nga mga istorya humalin Enero 2019 tubtob Disyembre 15 karon nga tuig nga nagatalakay sang gahum sang katawhan sa demoksraya nga paginobyerno, nagaamlig sa tawhanon nga kinamatarong, nagabulig nga magresolba sa nagkalainlain nga sahi sang social subong man cultural marginalization kag nagapakig-away sa disinformation kag fake news.

Ang mga interesado ang sarang maka-access sa digital media kit sang Bantala Awards para sa dugang nga impormasyon pinaagi sa link nga https://drive.google.com/drive /folders/1hEldBCgzmEN8fI3BjmfJ xbVBVLbaBDvI?usp=sharing  (JBG/AAL/PIA Capiz)

About the Author

Alex Lumaque

Writer

Region 6

Writer :)

Feedback / Comment

Get in touch