Georgia

No. of :

No. of Shares:

Currently viewed by: Marcus Rosit

'Bayanihan Bakunahan' may target nga 1.2 ka milyon sa WV

SYUDAD SANG ROXAS, Capiz (PIA) -- Nagalaum nga makabakuna sang 1,278,777 ka mga indibidwal sa Western Visayas ang COVID-19 Bayanihan Bakunahan sa maabot nga Nobyembbre 30 tubtob Disyembre 1 karon nga tuig.

Ginpahayag ni Dr. Bea Camille Natalaray nga Medical Officer III sang Department of Health - Western Visayas Center for Health and Development nga ang target nga mabakunahan ang ginabug-usan sang 79,591 sa Aklan, 115,217 sa Antique, 133,576 sa Capiz, 28,699 sa Guimaras, 338,716 sa Iloilo kag 582,978 sa Negros Occidental kalakip na ang 66,171 nagikan sa Bacolod City.

Samtang ginaganyat ni Natalaray, sa iya mensahe sa Isyung Bakuna nga online nga programa sang DOH - 6 kag  Philippine Information Agency - 6, nga nagakadapat magpabakuna ang wala pa mabakunahan batok sa COVID-19 bilang kontribusyon sa pagprotekta sa  natungdan nga pamilya kag komunidad agud malampuwasan na ang peligro sang pandemya.

Sarang man makapabakuna sa nasambit nga mga petsa ang eligible na para sa second dose, mga mapa booster shot kag mga naga edad 12 tubtob 17 anyos.

Ginapanugyan sa mga luyag magpabakuna nga magkapakig-angut sa tagsa ka lokal nga gobyerno para sa Bayanihan Bakunahan. (JBG/AAL/PIA Capiz)

About the Author

Alex Lumaque

Writer

Region 6

Writer :)

Feedback / Comment

Get in touch