Georgia

No. of :

No. of Shares:

Currently viewed by: Marcus Rosit

BIR may bag-o nga 'zonal values' sang real properties sa Capiz

SYUDAD SANG ROXAS, Capiz (PIA) -- Ginapahibalo sang Bureau of Internal Revenue (BIR) Revenue District Office No. 72 sa tanan nga mga taxpayer nahanungod implementasyon sang "Revised Schedule sang Zonal Values" sang real properties sa probinsya.

Ang nasambit nga implementasyon ang kaangot sa Department Order No. 025-2021 nga gin-aprubahan ni Secretary Carlos Dominguez sang Department of Finance sa rekomendasyon ni Commissioner Cesar R. Dulay sang BIR sadtong Oktubre 6, 2021.

Nahibaluan nga ang Department Order ang nabalhag sa Manila Times sang Oktubre 16, 2021 kag epektibo ang pagpatuman sang Oktubre 31, 2021 ukon matapos ang 15 ka adlaw nga publication.

Ginpahayag ni Eralen De Aro nga hepe  sang BIR - RDO No. 72 nga ang aprubado nga Revised Schedule sang Zonal Values amo ang basehan sang pag-compute sang internal revenue taxes.

Ang zonal values sang real properties sa Capiz ang katapusan nga gin-revise sang Agosto 1, 2014.

Samtang ang aprubado nga revised schedule sang Zonal Values ang sarang makit-an sa    https://www.bir.gov.ph/index.p hp/zonal-values.html#rdo072.

Sa dugang nga detalye kaangot sa Revised Zonal Values, ang BIR Capiz ang sarang malab-ot ukon makontak pinaagi sa mga numero sang telepono (036) 6216554, cellphone number (Globe) 09458045481 kag (Smart) 09983853955 magluwas pa sa pagpadala sang mensahe sa Facebook page–birrdo072roxascity. (JBG/AAL/PIA Capiz)

About the Author

Alex Lumaque

Writer

Region 6

Writer :)

Feedback / Comment

Get in touch