Georgia

No. of :

No. of Shares:

Currently viewed by: Marcus Rosit

'Pahuway sang Baybay' ginapatuman sa Visayan Sea

SYUDAD SANG ROXAS, Capiz (PIA) -- Ginapanawagan ni Remia Aparri nga direktor sang Bureau of Fisheries and Aquatic Resources - 6 ang tanan nga mga lideres sang mga grupo sang mga mangingisda kag ila mga himata, mga operator sang komersyal nga sakayan pangisda, operatiba sang Bantay Dagat kag mga lokal nga panguluhan nga nagapalibot sa Visayan Sea nga magpanguna sa pagbantay sa implementasyon sang "closed season" ukon "Pahuway sang Baybay" humalin Nobyembre 15 tubtob Pebrero 15 sa masunod nga tuig.

Ang nasambit nga limitasyon ang para lamang sa pagpangisda sang bulaw, guma-a, tabagak, tuloy kag balantyong kon sa diin ang magalapas nga mga mangingisda ang may nagakaigo nga penalidad base sa ginasaad sang Fisheries Administrative Oder No. 167 – 3 nga amo ang nagamandu sang pagdumili sa pagpangdakop sang nasambit nga mga isda sa Visayan Sea.

“Ang nagligad nga duha ka tuig, nagpakita sa aton nga ang sektor sang
agrikultura kag pangisdaan tuman ka importante kay man diri nagahalin ang aton pagkaon sa matag-adlaw. Kag tungod nagabuligay kita sa pag-ulikid sang aton kadagatan labi na kun closed season, ang resulta sini amo nga masigurado naton nga may isda, pakinhason, kag iban pa nga seafood sa kada merkado, sa kada lamesa," ang pahayag ni Aparri sa video message agud mag-anunsyo sang "Pahuway sang Baybay."

Gindugang pa sang direktor nga ang implementasyon sang FAO 167-3 ang nagatuyo nga magkonserba kag magprotekta sang nasambit nga mga isda nga magabihod, magapamuto, magadamo kag magadalagko sa masunod nga tatlo ka bulan.

Ang "Pahuway sang Baybay" ang nagatuyo man nga maduso ang nagakaigo nga pagdumala kag pagprotekta sang Visayan Sea pinaagi sa boluntaryo nga pagsunod sang mga mangingisda kag sang ila mga himata kag iban pa nga mga natungdan sa pagdumili sang Illegal, Unreported and Unregulated Fishing (IUUF) sa lugar.

Ang Visayan Sea ang ginapalibutan sang mga kabanwahanan ukon syudad nagikan sa lima ka mga kaprobinsyahanan sang Rehiyon 5, 6 kag 7. (JBG/AAL/PIA6 Capiz)

About the Author

Alex Lumaque

Writer

Region 6

Writer :)

Feedback / Comment

Get in touch