Georgia

No. of :

No. of Shares:

Currently viewed by: Marcus Rosit

Aklan nagpaguwa it guidelines para sa mga pamatan-un nga turista sa Boracay

KALIBO, Aklan – Nag-isyu si Gobernador Florencio Miraflores it bag-o nga sueu-eondon  para sa mga turista nga menor de edad nga magasueod sa Isla it Boracay.

Base sa advisory nga ginpaguwa ni Miraflores,  ro mga nagaedaron 12 asta 17 anyos hay pwede eon makabisita sa Isla it Boracay basta sanda ra hay fully vaccinated kontra Coronavirus Disease 2019 (COVID-19).

Pruweba nga fully vaccinated ro mga inunga kung sanda hay makapresentar it VaxCertPH COVID-19 Vaccination certificate nga nakabutang ro kumpleto nga pagbaton it bakuna ukon locally-issued nga vaccination card nga may kumpleto nga detalye it pagbakuna ag QR Code nga pwede maberepika. 

Pwede man nga batunon bilang pruweba ro locally-issued vaccination card/ID nga may full vaccination status ag certificate it pagbakuna  nga may contact details halin sa vaccination center.

Ginklaro man ni Miraflores nga mag-euwas sa vaccination certificate hay dapat sa gihapon magsumite it mga requirements para sa pag-isyu it QR Code. Ro mga turista hay sa gihapon magapresentar it hotel reservation halin sa mga establisyemento nga accredited it Department of Tourism, ID ag detalye it byahe.  

Ro Isla it Boracay nga sikat sa kalinawon it tubi ang malapulbos nga baeas hay padayon sa pagbaton it bisita eabi na sa paghagan hagan sa ginarequire nga mga travel documents. Base sa rekord it Malay Municipal Tourism Office, ro tourist arrivals sa Boracay hay nag-abot eon sa 24,355 halin Nobyembre 1 asta 14, 2021. (SQP/PIA-Aklan/Photo courtesy of Malay Municipal Tourism Office)

Kung ro mga menor de edad nga mga bisita  hay indi makapresentar it ano man sa tatlo nga pruweba nga magapamatuod nga sanda hay fully vaccinated, kinahang-ean nanda ra nga magpakita it negative RT-PCR test certificate nga ginbuoe sa sueod it 72 oras sa petsa it pagbyahe.

Sa pihak nga banda, ro mga unvaccinated nga mga inunga nga gapang-edaron 12 anyos panubo hay indi na kinahang-ean nga magsumite it negative RT-PCR test bago magbuoe it QR Code.

Gintaw-an man it importansya sa advisory nga dapat may kaibahan nga ginikanan ukon guardian ro mga menor de edad nga turista nga magabisita sa Isla it Boracay.

Samtang, base sa rekord it Malay Municipal Tourism Office, ro tourist arrivals sa Boracay hay nag-abot eon sa 24,355 halin Nobyembre 1 asta 14, 2021. (AAL/SQP/PIA-Aklan)

About the Author

Sheila Patoza

Writer

Region 6

Feedback / Comment

Get in touch