Georgia

No. of :

No. of Shares:

Currently viewed by: Marcus Rosit

Signal #4 sa 17 ka lungsod sa Bohol, Signal #3 usab sa nahibilin nga bahin

MABULOKON NGA KAKUYAW. Gipakita dinhi sa PAG-ASA sa ilang pagbanabana sa panahon sa kakuyaw sa mga lugar subay sa bolok nga napakita sa mapa. (PIA Bohol/PAG-ASA)

CORTES, Bohol, Dec. 16 (PIA) -- Giisa ug gipakayab na sa Philippine Atmospheric Geophysical and Astronomical Services Administration (PAG-ASA) ang Tropical Cyclone Wind Signal (TCWS) Number 4 sa mga kasubangan nga kalungsuran sa Bohol, sa ilang ika 10 nga weather bulletin nga gipagawas alas 11:00 karong buntag.

Dinhi mapaabut ang hangin nga mangusokuso nga moabut sa 185 kilometros matag oras (Km/h) ang kakusgon sulod sa 12 oras sa mga lugar sa Talibon, Trinidad, San Miguel, Dagohoy, Pilar, Sierra Bullones, Jagna, Garcia Hernandez, Duero, Guindulman, Anda, Candijay, Alicia, Mabini, Ubay, Pres. Carlos P. Garcia, Bien Unido, samtang moagi ang bagyo sa ilang ibabaw.

Gipanagna nan ga kining kakusgon sa hangin, magdala ug daku nga kadaut sa mga estraktura ug mga tanum nga malampurnas sa pag-agi sa bagyo dinhi sa Bohol.

Sa labing uwahi nga weather bulletin sa State weather bureau, ang mata sa bagyo nga si #OdettePH katapusang nasundan sa Hinatuan Doppler Weather Radar nga anaa na sa 175 km kasubangan sa Surigao City, Surigao del Norte sa coordinates nga (9.7°N, 127.1°E).

Ang hangin nga takin niining bagyoha anaa sa lahutay nga 185 kilometros matag oras (km/h) suol sa mata niini, ug may kalit-kalit nga huros nga moabut sa 230 km/h.

Gikataho nga ang central pressure sa mata sa bagyo naa sa 940 (hectoPascals) o millibars, ubos kayo sa standard air pressure sa lawod nga naa sa 1030.2 hectopascals.

Kasamtangan nga nagarumbo ang bagyo sa direksyon nga kasadpan-amihanang kasadpan sa gikusgon nga 25 km/h samtang mahimong magpakuso-kuso sa mga kasilinganang mga lugar nga maabut sa 480 ka kilometro gikan sa sentro sa bagyo.

Gawas sa mga nahisgutang dapit sa Bohol, TCWS No.4 usab ang Southern Leyte, ug ang kasubangang bahin sa Mindanao, Dinagat Islands, Surigao del Norte apil ang isla sa Siargao ug Bucas Grande Islands, diin haduol na ang bagyo karong panahona.

TCWS No.3 diin masinati ang makapangguban nga gikusgon sa hangin sulod sa 18 oras ang habagatang bahin sa Leyte (Abuyog, Mahaplag, Hilongos, Bato, Matalom, Hindang, Inopacan, City of Baybay, Javier, Macarthur), habagatan ug sentro nga bahin sa Cebu (Camotes Islands, Tuburan, Catmon, Carmen, Danao City, Asturias, Balamban, Cebu City, Compostela, Liloan, Consolacion, Lapu-Lapu City, Mandaue City, Toledo City, City of Talisay, Minglanilla, Samboan, Sibonga, Alcoy, Ginatilan, Boljoon, City of Carcar, Malabuyoc, Moalboal, Cordova, Oslob, Aloguinsan, Pinamungahan, Barili, Santander, Badian, Dalaguete, Alcantara, Ronda, Alegria, City of Naga, Argao, San Fernando, Dumanjug, Sogod), nahibilin nga mga kalungsuran sa Bohol, Negros Oriental, Siquijor, habagatan ug sentro nga bahin sa Negros Occidental (Calatrava, San Carlos City, Salvador Benedicto, City of Talisay, Silay City, Bacolod City, Murcia, Bago City, Valladolid, Pulupandan, La Carlota City, San Enrique, La Castellana, Moises Padilla, Pontevedra, Hinigaran, Isabela, Binalbagan, City of Himamaylan, City of Kabankalan, Ilog, Cauayan, Candoni, City of Sipalay, Hinoba-An), ug Guimaras.

TCWAS 3 usab ang amihanang bahin sa Agusan del Norte (Kitcharao, Jabonga, Santiago, Tubay, City of Cabadbaran),amihanang bahin sa Surigao del Sur (Carrascal, Cantilan, Madrid, Carmen, Lanuza, Cortes, City of Tandag). (RAHC/PIA7 Bohol)

About the Author

Rey Anthony Chiu

Regional Editor

Region 7

Feedback / Comment

Get in touch