Georgia

No. of :

No. of Shares:

Currently viewed by: Marcus Rosit

Mga lideres nga kababaihan nagpa-ambit kang anda madinalag-un nga istorya

SAN JOSE, Antique (PIA) - - Nanguna sa paghiwat kang "Juana Shares Stories of Empowerment" press conference ang Provincial Gender and Development Inter-Agency Committee (GAD-IAC) kaangut sa pag selebrar kang bulan kang mga kababaihan kasan-o gid lamang.

Dya nga press conference bulig nga ginpatigayun kang Philippine Information Agency kag Antique Capitol Press Corps kun sa diin gin-istoryahan ang sari-sari nga lihuk sa pagpanguna kang mga kababaihan para makabulig sa pareho nanda nga babaye.

Ang mga dinapit nga manoghambal amo sanday Elma Peṅa nga anay Chairperson kang Regional Council for Agriculture and Fisheries, Marilou Llavan kang Human Development Program, Rutchel Bustillo kang Provincial Population, Lt. Col. Rowell Buccat kang Philippine National Police, Juliana Cepe kang Provincial Planning and Development Sangguniang Panlalawigan member Mayella Mae Ladis

lao nga nagapamuno kang SP Committee on Women and Family Reactions.       

Si Peña nagpa-athag kang ana adbokasiya para mabuligan ang mga magagmay nga mangunguma. Ana ginhambal nga raku ang kontribusyon kang mga mangunguma nga kababaihan sa siguridad kang pagkaun sa aton pungsod.

Si Llavan naman nagpa-athag kun paano nanda nabuligan ang mga magagmay nga negosyante paagi sa mga programa kang kooperatiba.  Tana amo man ang una nga babayi nga nangin Chairperson kang Board of director kang Antique Federation of Cooperatives.

Sa bahin ni Buccat, ang PNP nagpa-athag kang andang programa nga ma protektaran ang mga kababaihan.

Samtang si Bustillo nagpa-athag kang programa kang Provincial Population Office kun sa diin anda ginatudlu-an ang mga kalalakihan nga mangin katimbang 

kang kababaihan sa pagpa-ugwad kang pamilya.

Ang lihuk kang Sangguniang Panalalawigan para sa kauswagan kang kababaihan ginpa-athag ni Ladislao.

Ang Provincial Planning and Development Office sa pagpanguna ni Julie Cepe nagapasalamat sa tanan nga mamamhayag ridya sa Antique sa pagtambong kang amo nga press conference. (JBG/PIA-Antique/UA Student Interns)

About the Author

Pilar Mabaquiao

Writer

Region 6

Feedback / Comment

Get in touch