Georgia

No. of :

No. of Shares:

Currently viewed by: Marcus Rosit

'Legacy project' ni Pres. Duterte sa Capiz ginasuguran na

ROXAS CITY, Capiz (PIA) -- Ginpangunahan ni Pangulong Rodrigo Duterte ang groundbreaking nga seremonya sadtong Abril 16 para sa iya "legacy project" sa probinsya sang Capiz nga makabig pinakadaku nga evacuation center kag convention center sa Rehiyon 6 nga pagatukuron sa Pueblo de Panay, Brgy. Lawaan diri sa Syudad sang Roxas.

Ang Multi-Purpose nga edepisyo nga igapatindog sa gin-donar nga duta sang pamilya ni Jose Nery Ong ang gin-pattern sa diwal nga disensyo ilabi na nga ang probinsya ang kilala sa dunang manggad sa kadagatan.

Si Presidente Duterte ang gin-updan nanday Senador Christopher Lawrence "Bong" Go, Secretary Rolando Bautista sang Department of Social Welfare and Development, Acting Secretary Roger Mercado sang Department of Public Works and Highways (DPWH), director Tiburcio Canlas sang DPWH - 6, Gobernador Esteban Evan Contreras, Assistant Secretary Hernando Caraig Jr. sang Office of Civil Defense, Jose Nery

Ong, Architect Chinky Ignacio nga lead  architect sang pagatukuron nga edipisyo kag Dale Bernas nga presidente  sang Capiz Halaran Chamber of Commerce and Industry sa nasambit nga seremonya.

Samtang, lubos naman ang pagpasalamat ni gobernador Contreras sa Presidente tungod sang proyekto nga ginalauman makabulig sa pagpatin-an sang ekonomiya sa probinsya.

Ginpahayag sang gobernador nga ang groundbreaking para sa Phase One sang proyekto nga ginpundohan sang DPWH sang P250-milyones ang nagahatag kasiguruhan nga ang duha ka panalgan nga istruktura ang matagaan katumanan.

Nahibaluan nga magluwas nga evacuation center sa tion sang kalamidad, ang edipisyo nga may 5,000 nga "seating capacity" ang magaserbe man nga lugar para sa mga kahiwatan sa probinsyal, rehiyonal, nasyonal kag internasyonal nga lebel. (JBG/AAL/PIA Capiz)

About the Author

Alex Lumaque

Writer

Region 6

Writer :)

Feedback / Comment

Get in touch