Georgia

No. of :

No. of Shares:

Currently viewed by: Marcus Rosit

Love Boracay 2022 ginaduso ro ‘responsible tourism’

KALIBO, Aklan (PIA) -- Isaea ka tatlong adlaw nga okasyon nga nagapanawagan para sa sustainable ag responsible tourism, ukon kilaea sa tawag nga “Love Boracay 2022 Better than Ever,” ro ginahiwat sa Isla it Boracay sa Malay, Aklan umpisa  Abril  29 asta Mayo 1, 2022.

Ro Love Boracay, nga nag-umpisa ku 2019, hay naorganisar paagi sa  kooperasyon it  Boracay Interagency Task Force ag Boracay stakeholders bilang alternatibo sa naangdan nga LaBoracay nga ginaonekta sa uwa it untat nga beach parties .

Sa isaea ka interbyu, ginhambae ni  Malay Tourism Officer Felix Gregorio Delos Santos nga ro “Love Boracay” hay isaea ka serye it mga aktibidades angot sa environment sa isla nga nagasentro sa konsepto it pagsustenir ag pagbalanse sa pag-umwad it turismo ag pagpreserba sa isla.

“Ro LoveBoracay hay mas eabi sa environmental awareness ag sa konsepto nga kung mag-inabo pa gid ro turista,hay mas dapat nga mangin responsable nga turista,“ dugang ni Delos Santos.

Gin-umpisahan ro tatlong adlaw nga Laboracay 2022 ku Abril 29 paagi sa pagselebrar it Pinta Layag Festival sa front beach halin station 1 asta 2; Food Crawl; Scubasurero ag beach clean-up;

Love Boracay 2022 pormal eon nga ginbuksan sa Isla it Boracay. Rayang tatlong adlaw nga okasyon hay gin-umpisahan paagi sa pagselebrar it Pinta Layag Festival sa front beach it Isla halin Station 1 asta 2. (SQP/PIA AKLAN/Photo Courtesy of Malay Municipal Tourism Office)

ag Summer Music Night sa Bolabog. Rayang mga aktibidadis hay pagahiwaton asta Mayo 1.

Ku Abril 29, gintigayon ro Unisikad kick-off, Boracay rehabilitation photo and Unisikad bike exhibit, festival of lights ag Smart Tiktok challenge, tanan ra hay sa Bolabog,

Sa Abril 30, may igahiwaton nga Land Transportation Office Theoretical Driving Course sa Tambisaan Covered Court; DENR ag IP Interface sa Wetland 2 Conservation Park; ag Sustainability Talks sa Farm Juan sa Oceans Conservation sa Bolabog. May daywang adlaw man nga Music and Arts Festival sa Kashbar ag Boracay New Coast halin Abril 30 asta Mayo 1.

Magatapos ro Love Boracay 2022 paagi sa Zumba by the Beach sa D’Mall Beach; Malay Biniray sa Station 3; ag awarding and recognition night sa Bolabog sa  Mayo 1.

Samtang, nagpadumdum man ro Department of the Interior and Local Government sa Local Government of Malay hanungod sa strikto nga pag-implentar it carrying capacity sa Isla it Boracay.

“Nakipagstorya naman kita sa DILG ag naghimo naman kita sang technical working group para masigurado ag mamonitor ro pag-abot it mga turista,” hambae ni Delos Santos sa isaea ka interbyu, ag ginsigurado  nana nga ro carrying capacity hay indi eon maeapas kapareho sang natabo ku Holy Week.

Base sa rekord it  Malay Tourism Office, may kabilugan nga 95,646 ka mga turista ro nag-abot sa Boracay halin Abril 1 asta 16, 2022. Sa hara nmga numero, 92,100 hay mga lokal nga turista; samtang 2,333 Mat-a hay mga were foreign tourists; ag 1,213 hay mga OFWs. (AAL/SQP/PIA-Aklan)

About the Author

Sheila Patoza

Writer

Region 6

Feedback / Comment

Get in touch