Georgia

No. of :

No. of Shares:

Currently viewed by: Marcus Rosit

Comelec nagpahigayon ug final testing and sealing sa VCMs

By Gideon C. Corgue

PAGADIAN CITY, May 5 (PIA)– Ang Commission on Elections (Comelec) nagpahigayon ug final testing and sealing sa mga bag-o nga miabot nga vote-counting machines ning adlawa, Huwebes sa dakbayan.

Sa interview kang Atty. Ellis Miguel, ang bag-ong natudlo nga City Election Supervisor sa dakbayan  kini sa DXPR radio station, iyang gipahayag nga sa paghiabot sa 204 nga  VCMs sa dakbayan ila gilayon kini gi-apod-apod sa mga polling precincts ug gisunod ang pagpahigayon final testing and sealing aron masayran kung nag-function ba o wala ang among equipments.

“Paghuman nila ug testing ug ang tanan maayo, ila gilayon kini nga ibilin sa voting centers ug pagabuksan sa adlaw na sa piniliay sa Mayo 9, 2022,” pagpahibalo ni Miguel.

Samtang, giawhag ni Miguel ang mga rehistradong botante sa dakbayan nga mosayo pag-adto sa ilang mga hingtungdan nga mga presinto aron ang tanan makabotar.

Matud pa niya nga ang ang ilang ahensya nagahin sa 13 ka oras sa pagbotar sa mga tawo ug kini pagasugdan alas 6:00 sa buntag hangtud na sa pagka-alas 7:00 sa gabii.

“Gi-awhag nako ang tanan nga botante nga mosayo ug adto sa ilang mga presinto tungod kay dili nato matag-an ang panahon. Basin mokalit pag-ulan ug dili na makabotar ang mga tawo tungod sa dili maayong panahon,” dugang pag-awhag ni Miguel.

Dugang pa niya nga ang mga bontante mohimo sa ilang katungod pagbotar tungod kay ang atong piniliay karon importante kaayo. Mopili kita sa mamahimo nga Presidente ug Bise Presidente nga maoy modumala sa atong nasud.

Ang mga botante nga magdala lamang ug face mask sa ilang pagsulod sa presinto sanglit wala na gi-require sa Comelec nga magdala sa ilang vaccination card ug face shield sa ilang pagbotar. (GCC/PIA Zambonga del Sur)


About the Author

Gideon Corgue

Writer

Region 9

Feedback / Comment

Get in touch