Georgia

No. of :

No. of Shares:

Currently viewed by: Marcus Rosit

Antique magahiwat na kang limited face-to-face classes

SAN JOSE, Antique (PIA)  - - Magahiwat run ka "face-to-face" nga kalse ang raku nga mga eskwelahan sa Antique, pagkatapos nga mapasaran nanda ang ginhiwat nga pagpangusisa kang regional kag division level kang Department of Education.

Suno kay Schools Division Superintendent Feliza B. Beriong sa sangka paghinin-anun sa mga mamamhayag, may mga eskwelahan nga may permiso ron para sa limited face-to-face pagkatapos nga matuman ang mga regulasyon kang DepEd.

May kabilogan nga 30 ka mga eskwelahan ang magahiwat ron kang "face-to-face" nga klase sa Mayo 23, 2022.  Dya ginabug-usan kang 12 ka elementary, 16 secondary kag darwa ka mga pribado nga eskwelahan sa probinsya.

Ang mga opisyales kang Division of Antique nagpakigbahin kang mga madinalag-on nga hitabu sa mga nauna run nga eskwelahan nga naghiwat kang  "face-to-face" nga pag-eskwela, sa Igroso Intergrated School sa Bugasong, Mayabay Elementary School sa Barbaza kag Antique National School sa San Jose.

Luwas pa sa mga Pilot Schools, may 12 pa ka bilog nga mga eskwelahan ang nakapartisipar ron sa limited face-to-face, amo dya ang darwa ka elementary, syam ka secondary schools kag sangka Intergrated School.

Si Antique DepEd Education Program Supervisor Julian S. Ambay nagpakig-ambit kang mga masadya nga natabo sa eskwelahan kang makita kang estudyante and andang manunudlo kag mga kaimaw nga kabataan.

Suno kay Medical Officer Ma. Adrilyn Lacurom,  wara man ti gin report nga nalatnan kang kang COVID-19 samtang sa eskwelahan.

Dugang pa ni Beriong nga ang pagsuporta kang mga lokal nga opisyales kang probinsya kang Antique kag sa tanan nga lebel  halin sa Congressional District representative, probinsyal, munisipal, barangay, mga ginikakan kag komunidad sa kabilogan sangka  importante rason para  manign madinalag-on nga paghiwat kang  klase sa mga eskwelahan. (JBG/PSM/PIA Antique)

About the Author

Pilar Mabaquiao

Writer

Region 6

Feedback / Comment

Get in touch