Georgia

No. of :

No. of Shares:

Currently viewed by: Marcus Rosit

Implementasyon ng ASIN Law, palalakasin pa

BAGUIO CITY (PIA) -- Inirekomenda ng Food and Drug Administration - Cordillera (FDA-CAR) sa   Regional Bantay Asin Task Force (RBATF) ang pag-monitor sa mga producers o suppliers ng asin na idinideliber sa rehiyon.
 
Sa ginanap na Joint Regional Nutrition Committee, Regional Technical Assistance on Nutrition, at RBATF virtual meeting nitong May 18, inihayag ni Saturnina Pandosen mula sa FDA-CAR na mainam na mabantayan ang mga supplier ng asin upang mapataas ang compliance ng rehiyon sa Republic Act 8172 o ASIN law.
 
Sa ilalim ng ASIN law o Act for Salt Iodization Nationwide, kailangang iodized ang lahat ng food-grade salt para sa human at animal consumption.
 
Binanggit ni Pandosen na sa Baguio City, may dalawang supplier na binigyan ng FDA ng palugit hanggang sa katapusan ng Mayo upang tumalima sa naturang batas.
 
"Kung ma-regulate natin 'yan, hopefully  tataas 'yung ating compliance pa ... Kung hindi talaga siya makapag-comply, then we will issue, wala tayong puwedeng gawin, although medyo matagal, ay bigyan na natin ng report of violation," saad ni Pandosen.
 
Inirekomenda rin aniya ng inspector nila ang pagbigay ng license to operate sa Benguet Salt Iodization Plant dahil wala pa umano itong lisensiya.

(Source: Regional Bantay Asin Task Force)

Sa isinagawang monitoring and salt testing ng RBATF at Provincial BATFs noong nakaraang taon, lumabas na 62.85% o 636 mula sa 1,012 households ang adequately iodized o may 15 parts per million (ppm) at above iodine content. Samantala, 32.40% o 150 mula sa 463 markets/groceries/stores ang adequately iodized o may 30ppm at above iodine content ang kanilang ibinebenta.
 
"Magkaiba po kasi 'yung adequately iodized, 'yung level po for the household level and for the market, groceries, and stores. Mas mababa po 'yung level sa household, mas mataas po dapat sa distribution level which is 30ppm and above. Kasi siyempre, from the distribution level, mapupunta pa siya sa household, bababa naman po 'yung iodine content," paliwanag ni Mary Gene Contic mula sa FDA-CAR.

Si Bella Basalong mula sa National Nutrition Council - Cordillera sa ginanap na virtual meeting ng Joint Regional Nutrition Committee, Regional Technical Assistance on Nutrition, at Regional Bantay Asin Task Force nitong May 18, 2022.

Sinabi naman ni Bella Basalong mula sa National Nutrition Council - Cordillera na isasagawa sa ikalawang semestre ngayong taon ang monitoring and salt testing.
 
"We will ask the LGUs to conduct their own monitoring in their respective areas. We will be providing the reagents  so kayo na ang bahala for the manpower and for the collection ng salt in your respective areas," sabi ni Basalong.
 
Matatandaang naaprubahan noong 1995 ang ASIN Law. Nabuo ito bilang hakbang sa pagsugpo ng micronutrient malnutrition partikular ang iodine deficiency disorders na nananatiling public health concern sa bansa. (DEG)

About the Author

Jamie Joie Malingan

Regional Editor

CAR

Feedback / Comment

Get in touch