Georgia

No. of :

No. of Shares:

Currently viewed by: Marcus Rosit

TESDA, PNP, nagpalig-on sa community outreach program

MISAMIS ORIENTAL (PIA)-- Isip suporta sa whole of nation approach sa administrasyon sa Ending Local Communist Armed Conflict o ELCAC sa nasud, Ang TESDA-Misamis Oriental sa pakigtambayayong sa Philippine National Police (PNP)-Misamis Oriental nipahigayon ug skills training sa Basic Haircutting ngadto sa PNP 2nd Ang Mobile Force Company para madugangan pa ang kapasidad sa ilang mga personahe sa mga Outreach Program niini sa lagyong mga barangay sa probinsiya.

Matud ni Provincial Training Center (PTC) - Misamis Oriental School Administrator Josef Rod Ilogon, kining pakigtambayayong sa PNP importante sa ilang mga TVET interventions ug mga programa na giila nga PRLEC priority barangays, pinaagi niini nga skills training, ang TESDA makahimo sa paghatag sa PNP Misamis Oriental 2nd Mobile Force Company personnel sa gikinahanglang kahanas sa pagtukod og mas maayong relasyon sa atong lagyo nga mga barangay.

Anaa sa 26 ka police personnel ang gitudloan sa paghimo sa pre ug post-hair-care activities lakip na ang pagputol sa buhok, pagpamalbas, pag-istilo sa bungot, perming, ug hair color sulod sa 456 ka oras o 19 ka adlaw aron makab-ot ang saktong katakus.

Ingon ni 2nd PMFC Force Commander PLt. Col. Mardy Hortillosa, ang pagbansay magsilbi nga dugang nga kahanas sa ilang kompanya sa paghatag ug mas lig-on nga seguridad ug serbisyo sa mga komunidad gikan sa Opol hangtod sa Lugait, nga nagpasiugda sa kamahinungdanon sa pagtukod sa pagsalig isip usa ka yawe nga hinungdan sa pagbatok sa malimbongon nga mga taktika sa CTG-NPA.

“Ang 2nd PMFC, MORPPO personnel kanunay nga mobisita sa barangay ubos sa atong area of responsibility, kini nga kahanas maoy magdugtong kanato aron mas maduol sa katawhan aron makuha ang ilang pagsalig ug suporta sa pagpatunhay sa mas maayong kalinaw ug kahapsay sa ilang lugar, ang atong unit mapasalamaton kaayo ngadto sa TESDA alang sa pakigtambayayong sa paghatag ug pagbansay sa atong mga personahe sa pagserbisyo sa publiko sa hinterland nga mga dapit,” ambit ni Hortillosa. (VPSB/PIA-10/Misamis Oriental)

HAIR STYLING 101. 26 ka police personnel ang gitudloan sa paghimo sa pre ug post-hair-care activities lakip na ang pagputol sa buhok, pagpamalbas, pag-istilo sa bungot, perming, ug hair color sulod sa 456 ka oras o 19 ka adlaw aron makab-ot ang saktong katakus.

About the Author

Vincent Philip Bautista

Information Officer-II

Region 10

Feedback / Comment

Get in touch