Georgia

No. of :

No. of Shares:

Currently viewed by: Marcus Rosit

'Advisory group' it PNP makampanya sa kalinungan

KALIBO, Aklan (PIA) --  Magapatigayon ro Aklan Provincial Advisory Group for Police Transformation and Development (PAG-PTD) it sangka pagkampanya para sa "Social and Peace Awareness" sa mga inungang Aklanon.

Raya hay sa pagsuporta sa ana ku Philippine National Police (PNP) nga Patrol Plan 2030, sa tuyo nga himuon ro mga komunidad sa Aklan nga euwas nga istaran, trabahuhan ag negosyohan.

Suno kay Melrose Lunn, nagapamuno it Aklan PAG-PTD, ro nasambit nga aktibidad hay pagahiwaton paagi sa youth sector it grupo kaibahan ro Aklan Baghay (Bagong Buhay) Inc., ag National Intelligence Coordinating Council (NICA) Regional Office 6.

May daywang ka mga lugar ag grupo it mga magapasakup para sa nasambit nga aktibidad - nga pagahiwaton sa Mayo 26 ag 26, 2022 kon siin ro una kara hay sa Aklan State University (ASU) Main Campus Amphitheater sa Banga, Aklan, ag ro ikaywa hay idto sa LGU-Ibajay Covered Court sa Ibajay.

Ginhambae ni Lunn nga ro Social and Peace Awareness Campaign hay sangka proyekto sa paghiwat it serye it mga

Ro mga opisyales it Aklan Provincial Advisory Group for Police Transformation and Development (PAGPTD) kaibahan ro mga miyembro kara hay nagpanumpa man para sa pagpadayon it suporta sa nasambit nga organisasyon. Raya nga grupo, nga may miyembro halin sa youth sector, ro nagapatikasog makaron sa paghiwat it sangka youth forum sa dugang nga kasayuran it mga inunga sa pag-andam sa sari-saring hangkat kanda. (APPO Photo)

hinun-anon sa mga inunga nga Aklanon kon siin ro mga topiko nga pagatalakayon hay sa pagkontra sa kriminalidad, pagsukoe sa pagpang recruit it mga terorista, pagkontra sa droga, ag sa katawhayan.

Ro mga maga lecture, suno kay Lunn, hay magahalin sa NICA ag sa Philippine Drug Enforcement Agency (PDEA).

Tanan nga mga grupo it mga kabataan hay pwede maka entra sa hinun-anon basta indi eang nanda pageaktan it pinolitika ag kon ano man nga klase it diskriminasyon sa andang isigka pareho, dugang pa ni Lunn.

 Sa kada lugar it hinun-anon, ginaeauman nga may maga tambong nga 500 nga mga inunga. (JBG/VGV/PIA6 Aklan)

About the Author

Venus Villanueva

Writer

Region 6

Feedback / Comment

Get in touch