Georgia

No. of :

No. of Shares:

Currently viewed by: Marcus Rosit

DOH-10 nanawagan sa publiko nga kinahanglan gyud magpabakuna

MALAYBALAY CITY, Bukidnon (PIA)—Gikumpirma sa Department of Health sa rehiyon 10 (DOH-10) nga na-detect na sa nasud bag-ohay lang gyud ang local transmission sa highly transmissible Omicron Subvariant BA.2.12.1.

Tungod niini, nanawagan karon ang DOH-10 ngadto sa publiko nga kinahanglan gyud nga magpabakuna na batok sa maong sakit.

Sa interview sa Radio Mindanao Network kang Dr. David Mendoza, ang chief sa DOH-10 Local Health Support Division, gibutyag niini nga na-contain ra usab kini tungod sa taas nga vaccination rate. Busa miingon si Mendoza nga minus ang pagkaylap niini.

Una na nga gipamahayag sa DOH nga wala pay community transmission sa pagka-karon.

Gipasabot pud ni Dr. Mendoza nga normal lang gyud sa usa ka virus nga mag-mutate ug mag-usab sa porma. Apan base sa pinaka-ulahi nga variant mas paspas ang pagtakod niini.

Gi-estudyuhan pa usab karon sa mga eksperto kung unsa ka-seryoso ang mao nga sub-variant sa Omicron sa COVID-19. Hinoon, dugang ni Mendoza, ubos usab ang hospitalization rate sa mao nga virus.

Nanawagan ang DOH 10 sa publiko niadtong wala pa nakadawat ug bakuna kontra COVID-19 nga magpabakuna na. Ug kung nakasugod na’g pabakuna, kinahanglan kining tiwason hangtod sa booster shot aron makabaton sa igong proteksyon. (BGEpan/PIA-10/Bukidnon)

Dungan niini, nanawagan ang DOH sa publiko nga kadtong wala pa gyud nakadawat sa bakuna batok COVID-19, kinahanglan na magpabakuna. Ug kadtong nakadawat na sa bakuna, kinahanglan tiwason gyud hangtud sa booster shot aron makabaton sa saktong proteksyon. (BGE/PIA-10/Bukidnon, with reports from JSM-RMN/Bukidnon)

About the Author

Bernadith Epan

Job Order

Region 10

Feedback / Comment

Get in touch