Georgia

No. of :

No. of Shares:

Currently viewed by: Marcus Rosit

Night differential pay sa mga kawani sa gobyerno, GOCCs, aprubado na ni PRRD

TAGBILARAN CITY, Bohol, May 17 (PIA) -- Gilagdaan na ni Presidente Rodrigo Roa Duterte ang balaodnon nga maghatag og night shift differential pay sa mga empleyado sa gobyerno apil na ang mga naa sa Government Owned or Controlled Corporation (GOCC).

Ubos sa Republic Act 11701, tanang mga kawani sa gobyerno angay bayran og night shift differential nga dili molapas sa 20% sa ilang hourly basic rate.

Sakop niini ang mga division chiefs paubos, apil ang mga naa sa GOCC bisan unsa ang ilang status sa trabaho – permanente, kontraktwal o casual employee.

Ang pangulo sa ahensya ang motino sa night differential pay, alang sa matag oras nga pagtrabaho niini o sa taliwala sa alas-6:00 sa gabii hangtod alas-6:00 sa buntag sa sunod adlaw.

Apan dili sakop niining balaod ang mga empleyado sa gobyerno nga ang oras sa pagsulod sa trabaho natunong taliwala sa alas-6:00 sa buntag hangtod alas-6:00 sa gabii.

Dili usab apil niini ang mga empleyado sa gobyerno nga required ang ilang serbisyo o on call 24 hours sama sa mga uniformed personnel sa Armed Forces of the Philippines (AFP), Philippine National Police (PNP), Bureau of Jail Management and Penology (BJMP), Bureau of Fire Protection (BFP), ug uban pang susamang sitwasyon nga mahimong tumbokon sa Civil Service Commission (CSC) ug sa Department of Budget and Management (DBM).

Ipagawas sa CSC, sa pakig-alayon sa DBM, ang guidelines alang sa pagpagawas sa night differential pay.

Kining bag-ong balaod gilagdaan ni Duterte niadtong April 13, 2022. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch