Georgia

No. of :

No. of Shares:

Currently viewed by: Marcus Rosit

Timbangan ng Bayan, aprubado na ni PRRD

TAGBILARAN CITY, Bohol, May 17 (PIA) -- Gilagdaan na ni Presidente Rodrigo Roa Duterte ang usa  ka balaod nga magmugna og Timbangan ng Bayan centers sa mga pampubliko ug pribadong merkado aron protektahan ang mga mamamalit gikan sa pagpanikas ug “unfair sales acts and practices.”

Gilagdaan sa Pangulo ang Republic Act 11706, niadtong Abril 13, nga nag-amyenda sa Chapter II, Title III sa RA 7394 o mas giila isip Consumer Act of the Philippines.

Ubos sa bag-ong balaod, gimando sa Article 62-A sa tanang provincial, city, ug  municipal governments sa pagbutang og accessible Timbangan ng Bayan Centers sa tanang pampubliko ug pribadong mga merkado, apil na sa mga supermarkets, ug kun naa na sa mga flea markets o tiangges ug grocery stores, sa sulod sa ilang lokalidad.

Timbangan ng Bayan Centers will provide consumers with an effective means of checking the accuracy of the weight and the quantity of the goods that they are buying,” matud pa sa nakalatid sa balaod.

Nakalatid usab sa maong balaod nga ang market supervisor ang maoy mahimong “in charge” sa safekeeping ug routine maintenance sa Timbangan ng Bayan instruments ug maoy responsable sa paggunit sa rekord sa matag produkto nga madiskubreng “deficient” o kulang sa timbang o gidaghanon ug substandard sa dimension, ug bisan  sa establisyemento diin parehong gipalit ang produkto apil na ang pangalan sa proprietor/s o manager/s.

Ang sertipikasyon nga ipagawas sa market supervisor o sa iyang awtorisadong representante magpakita sa nakapatik sa rekord ug magsilbing “prima facie evidence” sa paglapas sa Article 64.

Apil sa mga gidili ubos sa RA 11706 ang fraudulently altering, tampering, vandalizing o pagguba sa timbangan, balance, Timbangan ng Bayan instrument, weight o measure human sa opisyal nga pagselyo niini.

Ang mapatud-ang makalapas niini mahimong pamultahon og dili moubos sa P50,000 apan dili molapas sa P300,000 o pagkabilanggo og dili moubos sa usa  ka tuig apan dili molapas sa 5 ka tuig o ang parehong duha depende sa diskresyon sa korte.

Ang duha ka magsunod nga paglapas awtomatikong magresulta sa kanselasyon sa business permit sa tikasang indibidwal o business establishment.

Samtang ang Department of the Interior and Local Government ug Department of Trade and Industry kinahanglang makigtinabangay sa Union of Local Authorities of the Philippines, League of Provinces of the Philippines, League of Cities of the Philippines, League of Municipalities of the Philippines, ug uban pang kalabot nga ahensya sa gobyerno ug stakeholders, ipahayag ug ipakatap ang rules and regulations alang sa epektibong implementasyon sa probisyon sa balaod. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch