Georgia

No. of :

No. of Shares:

Currently viewed by: Marcus Rosit

DOH, magpatuman og “4-door strategy” batok sa monkeypox

TAGBILARAN CITY, Bohol, May 25 (PIA) -- Magpatuman og “four-door strategy” ang gobyerno apil na ang paghugot sa mga borders sa nasod aron dili makasulod ang bag-ong monkeypox virus.

Sa senemanang “Talk to the People”, gibutyag ni Department of Health (DOH) Undersecretary Abdullah Dumama Jr. nga naa na sa 12 ka nasod ang adunay pinakabag-ong kaso sa monkeypox. 

Apil na dinhi ang siyam ka nasod sa Europa apil na usab sa Estados Unidos, Canada ug Australia.

Tungod niini, gihingosgan sa DOH sa pakig-alayon sa ubang nasudnong ahensya sa gobyerno ang “4-door stratergy.”

Apil sa estratehiya ang pagpatuman og mga restriksyon sa mga byahero ug pagpatuman og ban isip nag-unang lebel sa depensa ug dugang sa gipatuman nga mga health protocols nga gipatuman batok sa COVID-19.

Magpahigayon og mga ‘screening, testing ug quarantine’ sa mga points of entry aron malikayan ang hulga nga posibleng madala sa mga byahero nga mahimong makaingon sa lokal nga pagkatap sa virus.

Hingosgan usab ang implementasyon sa ‘prevent-detect-isolate-reintegrate strategies’ aron matumbok dayon ug malain kun kinsa ang taptan sa virus.

Gawas niini, hingosgan usab ang kapasidad sa panglawas ug ‘critical care’ aron masumpo ang gikahadlokang pagsaka sa mga kaso ug masiguro usab ang sakto ug naa sa panahong pag-atiman sa mga pasyente.

“Ating pagtitibayin ang screening process sa borders para maiwasan ang pagpasok sa bansa,” matud pa ni Dumama. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch