Georgia

No. of :

No. of Shares:

Currently viewed by: Marcus Rosit

DA naghatag pasidungog sa mga magbaba-ol, mananagat

SIQUIJOR, Siquijor, June 13 (PIA) -- Kapin sa tulo ka gatus ka mga mananagat, mag-uuma ug empleyado sa agriculture sector ang misaksi sa pasidungog sa mga mag-uuma ug mangingisda ug ilang mga kahugpungan nga may dako nga tampo alang sa seguriddad sa pagkaon.

Nagkatapok ug mapasigarbohong mipasundayag usab sila sa ilang mga abot atol sa paghuman sa Farmers and Fisherfolks Month celebration sa Department of Agriculture ning lalawigan sa Siquijor.

Nagkadaiyang utanon ug prutas ug mga seafood products ang gipamaligya sa barato nga presyo.

Mipasundayag usab sa mga talento sa pagkanta, sayaw ug balak ug may raffle draw diin ang ga manaug nakadawat ug mga baktin gikan sa  Provincial Veterinary Office, niadtong adlawa.

Pasundayag ug pamaligya sa mga abot sa panguma ug panagat atol sa Cuimination sa Farmers and Fisherfolks Month celebration didto sa Helen Larena, Siuqijor. (RAC/PIA7 Siquijor)

Gipasidungganang duha ka farmers associations ug usa ka young farmer ning lalawigan isip Gawad Saka awardees (Provincial Level) sa ilang maayo ug dakong kontribusyon sa pagpalambo sa agrikultura.

Si Jury Omisol, batan-ong mag-uuma, organic agriculture practitioner ug Municipal 4H Federation President gikan sa lungsod sa Larena, midawat sa pasidungog isip Outstanding Young Farmer sa iyang organic vegetable farming, wild bee keeping, native duck and chicken raising, ug herbs and spices production.

Mga Gawad Saka Awardees nga gipasidungan sa ilang dakong kontribusyon sa pagpapalmbo sa agrikultura ning lalawigan sa Siquijor. (RAC/PIA7 Siquijor)

Ang Hugpong sa Makugihong Magbabaol nga may 50 ka sakop isip gitagad usab isip Outstanding Community-based Enterprise, sa ilang intercropping of corn -peanut ug produkto nga Kapeng Mais or native corn brew.

Lakip usab nga giila ang Bonga Waling-Waling Rural Improvement Club, may 26 ka mga sakop nga puros babaye, sa ilang produksyon sa cassava, sweet potato, ug peanut ug usab sa ilang padayong kontribusyon alang sa women empowerment.

Ang maong mga awardees gihatagan og plaque of recognition ug cash prize nga P3,000 sa awarding ceremony nga gipasiugdahan sa Provincial Government of Siquijor pinaagi sa Office of the Provincial Agriculturist. (RAC/PIA7 Siquijor)

About the Author

Rizalie Calibo

Writer

Region 7

Feedback / Comment

Get in touch