Georgia

No. of :

No. of Shares:

Currently viewed by: Marcus Rosit

Mannalon, kinarit ni RED Edillo nga ag-diversify farming

CABARROGUIS, Quirino (PIA) - - Tapno malapdan iti panagbassit ti produksion dagiti taraon maigapu iti agtultuloy a panagbassit dagit dagdaga nga mamulmulaan, kinarit ni Department of Agriculture (DA) 2 Regional Executive Director Narciso Edillo Jr. dagiti mannalon ditoy probinsia nga ag crop diversify da tapno saan a masayang iti orasda kabayatan ti panagur-urayda ti panagaapit iti mais ken pagay.

Regional Executive Director Narciso Edillo Jr. ti Department of Agrilculture Region 2

Kinuna ni RED Edillo bumasbassit ti daga agsipud ta maipatpatawid kadagiti annak wenno mailaklako bayat ti panagadu ti populasion ket saanen nga balanse isu nga adda food insecurity.

“Ammoyu nakaugalian gamin dagiti nagannaktayo, kuntentoda lattan ti mais ken pagay ket agurayda manen ti sumaruno nga bulan nga agtutugaw, agtutung-itt ken agiinom, tatta saan nga mabalinen apo sitayo ti maysa nga nagaget nga agaramid iti ubbing ti intero nga Asia. Adda growth rate tayo nga 1.7 kada tawen. Kayatna nga sawen adda 1.7 million nga ubbing nga rumuar,” kinuna ni Edillo.


“Kuna ti Food and Agriculture Organization, lalo daytoy napalabas nga pandemia ken dadduma nga sakit ti mulmula, ken livestock tayo ket naapektaran ti produksion. Dagitoy dagijay karit nu kasano tayo nga aramaten ti sangkabassit nga dagatayo siu masapul iti crop diversification,” impala wag ni Edillo.

Tapno mapapartak iti diversification, kinuna ni Edillo nga kasapulan dagiti makinaria nga makatulong tappa malag-anan ti agrikultura kas kadagidiay mechanization.

Segun pay kenni Edillo, iti nabiit ket maiyam-ammo iti drone spraying ngem kasapulan pay iti cluster farming tapno maminpinsan ken sapasap ti panag- spray ti makina ngem nangina dagitoy isu kabayatan ti  panagu-uray iti pannakaimplementarda, binalakadan ni Edillo dagiti mannalon nga usarenda pay laeng dagiti nakairuamanda.

Impadamag ni RED Edillo kadagiti manillon nga madama dan a tartarataren iti cluster organization para iti pagay ket adda iti 12 sites ditoy Region 2.

“Adda clinuster mi nga tig 100 hectars kada cluster, day 100 hectares isu ti pagi-demonstraranmi kadagiti ibagbaga mi nga teknolohia, manipud mechanization, harvesting, post-harvest, marketing ken market linkage, dagita ti ehemplotayo iti cluster organization,” innayun ni Edillo.

Kinuna pay ti Regional Executive Director nga dagiti dadduma nga pondo ken i-concentrate sadly cluster tapno adda pagbuyaan, ehemplo, pagsarmingan wenno pagadalan tapno iti kasta ket maawis dagiti mannalon nga sumurot.

“Idi inintroduce mi ti combine harvester, adu kadakayo ti nagkitakit ngem idi nakita yun ti pagsayaatanna dakayo metten ti intresado ta uray ibaga ti PAGASA nga adda bagyo, mabalinyun a maiyawid dagiti kinaban saan nga kas idi nga pempenenyo ken i-thresher yo pay. So adda talaga ti bentahe ti makinaria,” kinuna pay ni RED Edillo.

Impalagip met ni RED Edillo nga dagiti makinaria nga impaay ti gobierno kadagiti farmers’ organizations ket saan kuma nga maipa-renta a kas ar-aramiden dagti private businessmen agsipud ta dagitoy ket libre nga inyawat kadakuada.

“Nu miembro yu kuma, i-discount yo met, ta ti importante dita ket makatulong kayo dagiti miembro yo ket lalo da pay nga maingganyo nga agawis umay ag- miembro dita association/cooperative yu. Kanayun ko ibagbaga daytoy nga saan kayo a makikompitensia ti private ta dagijay private talaga a negosio ti utekda ket sitayo met, tulungan tayo ti maysa ken maysa a kas maymays a pamilia diay kooperatibatayo,” imbalakad ni Edillo. (MDCT/TCB/PIA Quirino)

About the Author

Thelma Bicarme

Information Officer III

Region 2

Feedback / Comment

Get in touch