TUGUEGARAO CITY, Cagayan (PIA) - - Maddagun lagapa nga marresivi ta walk-in patient ira nga mappabakuna kontra COVID-19 y Department of Health - Region 2. 

Ta abiso na ahensya kagabi, nelawad-da y iskedyul na pabbakuna mamegafu sangaw nga aggaw, Hunyo 20, adde ta Biernes, Hunyo 24.

Sangaw nga aggaw, alawatan na vaccination area na ahensya y totolay nga 12 ragun pautun para ta first anna second primary doses da, tuwange ta first anna second nga booster shots da. Papolluad-da y totolay ta A1 anna A2 priority sectors, o danuri healthcare worker anna senior citizen ira.

Danaw lagapa nga priority sectors y ne-iskedyul para sonu Hunyo 22, Miyerkules, anna Hunyo 24, Biernes.

Sonu umma, Hunyo 21, Martes, anna sonu Hunyo 23, Huwebes, gapa y iskedyul na pediatric vaccination, nu sitaw ababbing nga lima adde ta 11 ragun laman y meddan ta first anna second doses.

Y papasyente ira nga mappange nga umay ay mawak mangivulun ta birth certificate na ababbing, valid ID na magana onu proof of guardianship na guardian ira para first dose, anna vaccination card para ta tumunuk ira nga doses.

Iparaddam na ahensya y kustu nga pangusa ta face mask anna alcohol-based hand sanitizer, anna y pattuttul ta physical distancing. (OTB/JKC/PIA Region 2/with reports from Mark Djeron C. Tumabao)