Georgia

No. of :

No. of Shares:

Currently viewed by: Marcus Rosit

DOH, nipasidaan sa publiko kalabot sa daang face mask advisory

TAGBILARAN CITY, Bohol, June 17 (PIA) -- Nipasidaan ang Department of Health (DOH) sa publiko kalabot sa nikatap nga daang face mask advisory sa nasod.

Matud pa sa gipagawas nga pahayag sa DOH, ang maong advisory kaniadto pang Pebrero 8, 2020 diin nakalatid nga gi-awhag ang mga tawo nga walay sakit nga mahimong dili na magsuot og face mask.

Base sa abiso, giingong dili haom sa sitwasyon karon sa nasod diin nadiskobre sa mga eksperto kaniadto nga posibleng makuha ang CODID-19 sa hangin.

Samtang giklaro sa ahensya nga ang saktong health advisory karon mao ang padayon  nga pagsuot og face mask bisan sa mga lugar nga gipaubos sa Alert Level 1.

Sa gipagawas nga datos sa DOH, may natalang 425 ka mga bag-ong kaso sa COVID-19 sa nasod diin nisaka kini sa milabay nga duha  ka buwan.

Matud pa nga ang katapusang taas nga kaso sa maong sakit natala niadtong Abril 3 ning tuig diin nikabat kini sa 690.

Nikabat na sa 3,694,529 ang kinatibuk-ang gidaghanon sa mga kaso sa Pilipinas diin naa sa 3,462 ang mga aktibong kaso. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch