Georgia

No. of :

No. of Shares:

Currently viewed by: Marcus Rosit

Pagsuot og 'face masks' taman sa Disyembre gi-rekomenda sa DOH


TAGBILARAN CITY, Bohol, June 16 (PIA) -- Girekomenda sa Department of Health (DOH) niadtong Hunyo 15 ang pagsuot og face mask hangtod sa katapusan ning tuig.

Sa usa ka pahayag, miingon si Health Undersecretary Maria Rosario Vergeire nga ang pagsuot og face mask makatabang nga maprotektahan ang katawhan di lamang aron makalikay sa COVID-19 apan sa uban pang sakit.

“As part of the Department of Health and a medical doctor, I would say that I would still recommend until the end of the year,” pahayag pa ni Vergeire.

Gibalik ni Vergeire nga ang mga face mask mahimo lamang tanggalon kun ang usa ka tawo nagkaon o nag-ehersisyo.

Gidugang pa niini nga samtang ang gipatumang mga protocol “not very specific,” mahimong tanggalon sa tawo ang ilang mga masks kun sila nag-inusara o layo sa ubang mga indibidwal sa gawas sama sa kun naa sa hiking o pag-adto sa dagat.

Matud pa ni Vergeire nga delikado ang pag-isyu og Executive Order aron tanggalon ang mandato sa pagsuot og face mask ilabi na nga nisaka karon ang mga kaso sa COVID-19, may mga subvariant nga nakasulod sa nasod ug nagkahinay nga immunity o epekto sa bakuna batok sa virus. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch