Georgia

No. of :

No. of Shares:

Currently viewed by: Marcus Rosit

DOT nagpasuway sa tour sa Bohol Farms 7 circuits

Napauso na usab sa Bohol ang trailbiking isip itanyag nga kalihukan alang sa mga turista, subay sa tema nga Farm-Fork-Fitness. Dinhi sa Bohol gipasuroy sa DOT7 ang mga social media influencers, tour ug travel agents ug tour guides aron makasinati sa mga bag-ong produkto pang turista. (PIA Bohol)

TAGBILARAN CITY, Bohol, June 21 (PIA) -- Gisuwayan sa mga tour ug travel agents nga gidala sa Department of Tourism ang pipila ka mga destinasyon nga nalakip sa Farm-Fork-Fitness theme nga gisagop sa industriya sa turismo kap-os sa pandemya.

Human sa paglusad sa Farms 7 ug Outdoors 7, gidala dinhi sa DOT Central Visayas ang mga mamaligya na unya sa mga tours, aron ila mismo nga masinati kon unsa ang ilang ibaligya pohon.

Matud ni DOT7 Chief alang sa tourism operations, dugay na nila nga gisugdan ang pagtuon sa mga potensyal sa umahan, mga pagkaon ug kahimsog alang sa turismo ug ila kining personal gayud nga namatikdan ang pagkusog niadtong gihugtan pa ang mga pamaagi sa pagsuroy tungod sa pandemya.

Niadtong panahona, minglitaw sa kinatibuk-ang Central Visayas ang  mga kalihukan nga habigsa kinaiyahan, ug alang lamang sa pipila ka katawhan, dili sa dinaghan.

Nakita sa DOT7 ang pag-uso sa nature trekking, trail biking ug  ang pagsinati sa mga suba pinaagi sa pagbugsay sa river kayaks.

Dala niini, gipakigsabutan sa DOT ang mga provincial ug municipal tourism officers niini, aron makahimo og pagsubay sa mga lugar nga nangandam alang niining mga kalihukan.

Niadtong imaging semana, gipatawag sa usa  ka workshop uban sa DOT7 ang mga service providers nga anaa sa mga kalungsuran aron ilang ilista ang mga umahan nga makatanyag og suroy, mga establisemento nga nga-alagad sa mga buot mang libud-suroy ug sa mga makahatag og serbisyo sa kalihukan sa mga kasubaan ug katubigan.

Human sa nahisgutang pagpanglista, gipahigayon usab sa DOT7 ang pagpasubay sa mga una nang nagpahibaw nga mga lugar bisitahanan, aron mahimo-an og validation sa ilang pagka-andam na nga modawat og turista.

Karong semanaha, mismo ang mga taga DOT, kauban na sa mga tour ug travel agents, social media influencers, local tour service personnel ug tour guides kauban sa tourism stakeholders ang pipila ka mga destinasyon sa Bohol nga andam na nga modawat sa turista.

Gisubay sa mga bisita ang Egay’s Farm saDauis, Vita Isola Farm Leisure Farm sa Isla sa Sandingan sa Loon, Green Thumb Farm sa Sambog Corella, ug sa Bohol Bee Farm sa Dauis.

Gisubay usab sa susamang bahan ang Outdoor7 destinations sama sa Rajah Sikatuna Protected Landscape alang sa trekking ug caving, Fox and the Firefly alang sa Stand-Up Paddling, ug trail biking. (RAHC/PIA7 Bohol

About the Author

Rey Anthony Chiu

Regional Editor

Region 7

Feedback / Comment

Get in touch