Georgia

No. of :

No. of Shares:

Currently viewed by: Marcus Rosit

Kadalagan sa kampanya kontra kriminalidad ginpresentar sang BCPO

NEGROS OCCIDENTAL (PIA) – Ginpresentar sining karon lang ang mga kadalag-an nga naangkon sang Bacolod City Police Office sa ila kampanya kontra kriminalidad sa Syudad.

Basi sa report, naglab-ot sa 291 ka mga personalidad sa iligal nga droga ang nadakpan sang BCPO sa ila kampaya batuk sa illegal nga druga humalin Enero tubtob Mayo karon nga tuig.

Ginpahayag ni Col. Lester Leada, hepe sang  Operations Management Unit  sang BCPO, sa pagsinapol sang City Peace and Order Council, nga nagpatigayon ang kapulisan sang 246 nga mga operasyon batuk sa iligal nga droga sa nauna nga lima ka bulan sang 2022, nga nakakumpiska sang 6,628 gramo nga methamphetamine hydrochloride ukon shabu, nga may street value nga masobra P45 milyones.

Samtang, naglab-ot naman sa 399 sa nagkaladakpan ang ginpasakaan sang kaso.

Subong man, may 14 ka mga inbididwal ang napasakaan sang kaso sa kapin 75 ka mga operasyon sang kapulisan kaangot sa kampanya sa mga wala lisensya nga armas luthang sa nasambit nga mga binulan.

Magluwas sa 14 ka mga armas luthang nga nakumpiska, may 50 naman nga iban pa nga gin-surrender sa mga kapulisan, may duha nga na-recover kag 16 ka mga short arm nga gin deposito sa ila.

Kaangot naman sa kampanya sa mga Wanted Person, may 281 ka mga wanted nga indibidwal ang nadakpan sa 281 man ka operasyon.

Gindugang pa ni Col. Leada nga makabig generally peaceful ang Bacolod City wala sapayan sa mga hitabo nga krimen sa syudad bangud ang mga pumoluyo ang makaobra kag makapangabuhi nga matawhay. (AAL/Lljr/PIA6 Negros Occidental). 

About the Author

Lorenzo Lambatin, Jr.

Writer

Region 6

Feedback / Comment

Get in touch