Georgia

No. of :

No. of Shares:

Currently viewed by: Marcus Rosit

Health, wellness prayoridad sa bag-ong gobernadora sa Sibugay

IPIL, Zamboanga Sibugay, July 8 (PIA) – Sa unang adlaw paglingkod sa bag-ong gobernadora sa probinsya nga si Dr. Ann K. Hofer, siya mipasalig nga iyahang atimanon ang maayong panglawas sa Sibugaynon.

“Ang health services ug wellness ang mahimong sentro sa akong administrasyon,” si Gobernador Hofer mipahibalo atol sa inauguration and oath taking ceremony ning bag-o pa lang.

Matud ni Hofer nga iyahang ipadayon ang legasiya sa iyang mga ginikanan nga parehas nga mga medical doctors.

Mapasalamaton usab siya sa mga nagatuo ug nagasupporta kaniya nga 168 ka libo nga mga mga tawo nga miboto kaniya niadtong nakalabay nga piniliay ug miingon nga makalaum sila nga dili niya sila pakyason.

“Nagsaad ako nga balosan ko kamo sa kakugi, gugma ug maayong pagserbisyo,” dugang payahag ni Hofer.

Gipahibalo sa gobernadora nga han-ay na ang plataporma sa iyang pagdumala nga nagdala sa acronym nga “HOFER, kini ang gihalad ngadto sa iyang mitaliwan nga amahan nga si George Hofer nga maoy hinungdan sa pagkamugna sa Sibugay isip usa  usa ka nahimjulag ug independente nga probinsya sa Zamboanga Del Sur, ug mao usab ang pinakauna nga gobernador sa Sibugay.

Dugang pa sa gobernadora nga ang ‘HOFER” nagkakulugan sa mga pulong ning mosunod: H- health services and wellness, O- order and safety sa tabang sa  mga kapulisan ug military,  F- Farms, fisheries and food security ug pagbalik sa focus sa agrikultura, E- Education, ug R- Roads and transportation.

Gipasalig usab niya nga ang iyang pagdumala sa kagamhanan sa lalawigan mahimong usa transparent, epesyente ug naay integridad.  (RVC/GCC/JPA/JBL-GIP-PIA)

About the Author

Jocelyn Alvarez

Writer

Region 9

Feedback / Comment

Get in touch