Georgia

No. of :

No. of Shares:

Currently viewed by: Marcus Rosit

Maika-11 a BNS Congress iti Ilocos Norte, balligi a naangay

LAOAG CITY, July 25 (PIA) – Balligi a naangay ti maika-11 a Barangay Nutrition Scholars (BNS) Congress iti Ilocos Norte idi Hulyo 22.


Nagbalin a guest speaker  ni Kendall Pilgrim N. Gatan, agdama nga officer-in-charge iti National Nutrition Council (NNC) iti Region 1.


Iti mensahena, impalagipna kadagiti umili ti importansia ken pagsayaatan ti umno a nutrision iti bagi aglalo kadagiti ubbing ken agtutubo.

Inatendaran dagiti BNS iti naduma-duma nga ili iti Ilocos Norte ti nasao a pasken karaman dagiti opisiales ti probinsia a da Bise Gobernador Cecilia Araneta Marcos ken Bokal Medeldorf Gaoat.

BNS CONGRESS. Vice Governor Cecilia Araneta Marcos delivers a message during the 11th Barangay Nutrition Scholars Congress.

Iti panangiyebkasda ti ragsakda iti panakaaramid ti BNS congress iti probinsia,  impalagip dagiti nagatendar nga opisiales iti Ilocos Norte ti agtultuloy a panagannad ti publiko kontra iti agdama a mapaspasaran a pandemya.

Kinunada  a ngumato-bumaba ti kaso ti coronavirus disease 2019 (COVID-19) iti pagilian isu a masapul a makompleto tunggal umili iti panagpabakuna kontra COVID-19 ken pakairamanan iti panagpabakuna iti booster shots.

Kinunada pay a maragsakanda a nakakita iti dakkel a panagbaba ti kaso iti COVID 19 ditoy pagilian gapu iti panagpabakuna dagiti umili. 


Naragsakan  ni Darwin Tumbaga, agdama a  presidente iti BNS Ilocos Norte,  gapu iti balligi a pannakaaramid ti umuna a BNS congress iti probinsia manipud idi nangrugi ti pandemya.


"Naragsakak gapu ta adda tay manen a natipon-tipon ita a kanito kalpasan iti nasurok dua a tawen a saantayo nakapagdidinnanggay gapu iti pandemya, " kinunana.


Kabayatan ti BNS congress, naduma-duma pay a programa ti naisagana  ken naaramid para kadagiti BNS frontliners. Nakoronaan a kas reyna ti 2022 BNS  Congress ni Her Majesty Queen Rowena Taguicana, maysa a BNS iti Vintar, Ilocos Norte. (JCR/FGL/JNPD/MJTAB/CMV PIA Ilocos Norte)

BNS CONGRESS. NNC-I OIC Kendall Pilgrim Gatan discusses nutri-education during the 11th Barangay Nutrition Scholars Congress.
BNS CONGRESS. The Provincial Nutrition Action Office turns over the Certificate of Appreciation to Sangguniang Panlalawigan Member Dr. Medeldorf Gaoat.
BNS CONGRESS. Her Majesty Queen Rowena Taguicana of BNS Vintar was crowned as Bituen ti BNS.
BNS CONGRESS. Some barangay nutrition scholars pose for a photo during the 11th BNS Congress in Laoag City.

About the Author

Ma. Joreina Therese Blanco

Writer

Region 1

Ma. Joreina Therese A. Blanco is an Information Officer II of the Philippine Information Agency Ilocos Norte Information Center based in Laoag City, Ilocos Norte. She is currently the Information Center Manager of PIA Ilocos Norte.

Feedback / Comment

Get in touch