Georgia

No. of :

No. of Shares:

Currently viewed by: Marcus Rosit

Enrollment alang sa SY 2022-2023 gibuksan na sa DepEd

TAGBILARAN CITY, Bohol, July 25 (PIA) -- Gibuksan na sa Department of Education (DepEd) adlaw’ng Lunes ang bag-ong proseso sa enrollment alang sa mga tinun-an sa School Year 2022-2023.

Base sa gipagawas nga DepEd Order Number 35, ang enrollment alang sa umaabot nga academic year magsugod sa Hulyo 25 ug mahuman sa Agosto 22.

Mahimong magpatala ang mga estudyante sa kanhi o napiling eskwelahan pinaagi sa in-person, remote o pinaagi sa dropbox enrollment.

Samtang ang mga nagtuon sa Alternative Learning System (ALS) gitugotan usab mag-enrol og pisikal o online.

Gipahinumdoman sa DepEd ang mga ginikanan ug mga tinun-an nga pisikal nga magproseso sa enrollment nga sundon ang minimum public health standards aron maprotektahan ang ilang kaugalingon batok sa COVID-19.

Upang masigurong protektado ang mga magpapatala nang in-person, huwag kalimutang sundin ang ating health and safety protocols gaya ng pagsusuot ng face mask at pagpapanatili ng physical distancing,” matud pa sa pahayag sa DepEd.

Ang School Year 2022-2023 magbukas sa Agosto 22 ug matapos sa Hulyo 7, 2023.

Una nang namahayag ang DepEd nga ang mga tunghaan tugotan lamang nga magpahigayon og blended learning schedules ug full-distance learning hangtod Oktubre 31, samtang sugdan sugod Nobyembre 2 sa tanang pampubliko ug pribadong eskwelahan nga mobalhin sa 5 ka adlaw nga in-person classes.

Kahinumdoman nga una na usab namahayag si Bise Presidente ug Kalihim sa Edukasyon Sara Duterte nga luwas nang magbukas ang mga eskwelahan tungod kay may mga health protocol naman sa nakalabay nga duha  ka tuig taliwala sa pandemya. (ECB/PIA7-Bohol)

About the Author

Elvira Bongosia

Writer

Region 7


Feedback / Comment

Get in touch