DAVAO CITY - Ang  Talikala, Inc. inubanan sa Integrated Gender and Development Division  kon  IGDD sa City Government of Davao ubos sa City Mayor’s Office, uban usab sa suporta sa  AWO International magpahigayon ug usa ka film, Premiere nga gi olohan na  G ka Ba usa ka salida kabahin sa Online Sexual Abuse ug Exploitation sa Petsa beinte syete ala una sa hapon diha sa cinematheque duol sa people’s Park. Kini nga espesyal nga pagtan-aw eksklusibo sa mga service provider ug mga stakeholder nga nalambigit sa pagpugong ug pagpanalipod sa kababayen-an ug babaye gikan sa pag-abuso ug pagpahimulos.

Matud pa ni Jeanette Ampog ang Executive Director sa Talikala Inc.  Kini nga pagpasalida sa pelikula subay sa paghandum sa World Day Against Trafficking in Persons matag Hulyo 30 nga adunay tema karong tuiga: Paggamit ug pag-abuso sa teknolohiya.

Dugang pa niya gumikan usab sa  teknolohiya karong panahona  tungod sa pandemya nga COVID-19, nagka taas ang kaso sa human trafficking ug online nga sekswal nga pag-abuso ug pagpahimulos makadaot dili lang sa mga babaye, apan sa mga bata usab.

Matud usab ni Lorna Mandin ang Hepe sa IGDD sa CMO Isip mga service provider ug stakeholders nga nanalipod sa kaayohan sa kababayen-an ug mga bata gikan sa tanan nga mga porma sa krimen, ang maayo ug tukma sa panahon nga nahibal-an bahin sa kini nga mga isyu usa ka lakang mao sa paghimo og maayong mga desisyon ug paghatud sa angay nga mga aksyon.

Pina agi sa OSAEC documentary film viewing dili lang magpadayag sa kasamtangang sitwasyon sa mga biktima sa online Sexual abuse ug exploitation apan maghatag usab ug venue sa matag service provider nga masayran sa uban ug mahatud ang mga impormasyon mahitungod sa OSAEC pinaagi sa pagpaambit sa ilang kaugalingong mga kahibalo nga nahiuyon nga kasayuran makatabang sa pagpahibalo usab sa mga ginikanan, mga bata, ug mga residente sa komunidad kabahin sa maong  mga isyu. (PIA XI/Edith Isidro)