Georgia

No. of :

No. of Shares:

Currently viewed by: Marcus Rosit

PBBM mitudlo og mga bag-ong hepe sa AFP, PNP, NBI director

TAGBILARAN CITY, Bohol, August 2 (PIA) -- Opisyal nang gitudlo ni Presidente Ferdinand “Bongbong” Marcos Jr. si Lt. Gen. Bartolome Vicente O. Bacarro, commander sa  Armed Forces the Philippines – Southern Luzon Command isip bag-ong AFP chief of staff.

Ang pagbag-o sa command alang sa bag-ong AFP chief of staff sa Agosto 8 pa.

Kini maghatag ug panahon alang kang Gen. Bacarro nga mohunong sa SOLCOM ug maghatag kaniya sa transisyon sa iyang bag-ong posisyon sa Camp Aguinaldo matud pa ni Press Secretary Trixie Cruz-Angeles.

Graduwado sa Philippine Military Academy, si Bacarro gipanganak niadtong Setyembre 18, 1966 sa San Fernando, La Union. Nakatapos siya sa upper quartile sa PMA “Maringal” Class of 1988.

Matud pa ni Cruz-Angeles nga si outgoing CS-AFP Gen. Andres Centino, classmate ni Bacarro sa PMA, nga kandidato usab alang sa usa  ka bag-ong posisyon nga tukma kaniya.

Ang Republic Act 11709, gilagdaan ni kanhi Presidente Rodrigo Duterte niadtong Abril 13 ning tuig nga nagtakda ug tulo ka tuig nga tour of duty alang sa AFP chief of staff, vice chief of staff, ang deputy chief of staff, ang mayor nga service commanders (Philippine Army, Philippine Air Force, Philippine Navy), unified command commanders, ug inspector general "gawas kung gi-terminate dayon sa Presidente.

Base sa RA 11709, si Gen. Bacarro mao ang unang CSAFP nga mahatagan ug tulo ka tuig nga termino, matud pa ni Cruz-Angeles.

Si Bacarro apil sa PMA Maringal Class of 1988.

Siya usab ang labing unang hepe sa  AFP nga makakabenepisyo sa bag-ong fixed three-year term alang sa mga AFP chief of staffs.

Sa laing bahin, gitudlo usab si Lt. Gen. Rodolfo Azurin Jr. isip bag-ong PNP chief.

Si Azurin ang hepe sa Area Police Command-Northern Luzon ug may usa  ka tuig pang  serbisyo.

Samtang gitudlo usab isip Director sa National Bureau of Investigation (NBI) ang dugay nang assistant director sa buhatan nga si Medardo de Lamos. 

“Director De Lemos rose from the ranks and his appointment as NBI Director is a strong indication of President Marcos’ commitment in strengthening the system of ‘meritocracy’ in the promotion, placement and hiring of government personnel (Si Director De Lemos misaka sa ranggo ug ang iyang pagkatudlo isip NBI Director maoy lig-ong timailhan sa pasalig ni Presidente Marcos sa pagpalig-on sa sistema sa ‘meritocracy’ sa promosyon, pagbutang ug pag-hire sa mga kawani sa gobyerno)," matud pa ni Cruz-Angeles.

Si De Lamos ang kasamtangang OIC nga nipule ni kanhi director Eric Distor nga appointee sa administrasyon ni kanhi Presidente Rodrigo Duterte.

Gikonsiderar usab siya nga pinaka-senior official sa NBI ug nakaalagad sa buhatan sulod sa halos upat ka dekada. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch