Georgia

No. of :

No. of Shares:

Currently viewed by: Marcus Rosit

'PinasLakas’ opisyal nga ginlunsar sa Antique

SAN JOSE, Antique (PIA) – Opisyal ron nga ginlunsar kang Provincial Health Office (PHO) ang “PinasLakas” National Booster Vaccination Campaign kontra COVID-19 kang Agosto 4 sa isa ka programa sa Robinsons Place Antique, ridya.

Ang “PinasLakas” isa ka inisyatibo kang Department of Health (DOH) para pabaskuron ang nationwide booster vaccination program kang gobyerno nasyonal bilang pagsunod sa direktiba ni President Ferdinand Marcos, Jr. nga pasangkaron ang healthcare services sa pungsod.

Tuyo ka dya nga kampanya nga pataason ang numero kang mga Pilipino nga may booster shots agudto malab-ot ang ginatawag nga “herd immunity” ukon ang proteksyon nga dara kang pagbakuna sa bahol nga porsyento kang populasyon.

Ginhambal ni PHO National Immunization Program coordinator Tesie Mae Banez nga target kang PinasLakas nga bakunahan kang first booster dose ang 50% kang bilog nga populasyon kag kang primary doses ang kapin 90% kang mga senior citizen.

Dugang na pa nga nga tuyo kang kampanya nga dar-on ang bakunahan sa mga lugar nga masami adtunan kang publiko kaangay kang mga pampasahero nga terminal, pampubliko nga merkado, mga eskwelahan kag iban pa.

Ginpahayag man ni PHO Health Education and Promotion Officer Irene Duldoco nga kinahanglan maka-agom kang booster shots bangod nagahina ang proteksyon nga dara kang primary ukon 1st and 2nd doses.

Sa pagpati nga importante ang COVID-19 vaccines, gindara ni Lilibeth Pedro ang ana hinablos nga isa ka grade school pupil sa pagbukas kang PinasLakas para matugruan kang proteksyon ilabi ron sa ana nga pagbalik-eskwelahan sa maabot nga Nobyembre.

May gina-deploy ang PHO nga vaccination teams sa Robinsons Place Antique kada Huwebes umpisa ala 9 sa aga.

Kang Agosto 4, naka-record ang probinsya kang Antique kang 179 tanan ka active cases kang COVID-19. (AAL/BPS/PIA Antique) 

About the Author

Bernard Ceasar Susbilla

Information Officer I

Region 6

Electronics Engineer/Writer

Feedback / Comment

Get in touch