Georgia

No. of :

No. of Shares:

Currently viewed by: Marcus Rosit

PhilHealth nagtugro kang MDRs sa mga katawhan nga may sablag sa lawas

SAN JOSE, Antique (PIA) - - Ang PhilHealth nagtugro kang Member Data Records (MDRs) sa Persons with Disabilities (PWDs) sa probinsya kang Antique.

Si Local Health Insurance Officer Junie C. Sabusap naghambal kang anang suporta sa dya nga lihuk sa sangka programa kasan-o gid lamang.

Ana man ginsaysay nga sangka pribelihiyo nga mangin parte kang programa nga naga suporta sa mga may kasablagan sa lawas agud
makatugro kalipayan kag inspirasyon sa dya nga sektor kag makapa-abot pagid kang dugang nga bulig paagi sa pagtugro kang dekalidad kag barato nga serbisyo sa ika-ayong lawas bilang myembro kang PhilHealth.

Samtang, si PhilHealth Antique Information Officer Liza Joyce Q. Songcayawon naghambal nga suno sa Republic Act 11228, ang tanan nga persons with disabilities otomatiko nga maka-abay sa National Health Insurance Program (NHIP) kang PhilHealth.

Ginpadumdum naman ang dya nga sektor ka andang mabaton nga mga benepisyo parehas kang Z-MORPH (Mobility, Orthosis, Rehabilitation, and Prosthesis Help) amo man ang Z benefits para sa mga bata nga may mobility impairment, developmental disabilities, kag visual and hearing impairments.

Tanda man ginpanugyan nga magparehistro sa Philippine Registry of Persons with Disabilities (PRPWD) sa andang tagsa-tagsa nga mga banwa.

Ang PhilHealth maga-ubra kang data matching, validation, PIN assignment, kag pagkilala sa mga myembro bilang persons with disabilities.

Ang mga rehistrado lang sa DOH-PRPWD ang dapat nga ma-enroll sa PhilHealth bilang persons with disabilities.

Sa mga wara narehistro sa listahan kang PRPWD, ang municipal nga opisyal kang Social Welfare Office ang may katungdanan kun tanda bala taw-an kang Certificate of Indigency para marehistro bilang Financially Incapable (FI) sa idalom kang NHIP. (JBG/PSM/PIA-Antique/DOLE-GIP Interns)

About the Author

Pilar Mabaquiao

Writer

Region 6

Feedback / Comment

Get in touch