TUGUEGARAO CITY, Cagayan, (PIA) - - Pinegafuanan ngana na Tuguegarao City Social Welfare and Development Office y orientation para ta magana ira nga maya mangitallung ta anna da ta child development centers, onu daycare centers ta siyudad.

Yuri daycare centers ay mappange mavvuka sangaw vulan na Setyembre, ngem, y ispesifiko nga petsa ay depende ta daycare center ta baranggay. Angngarigan na, y daycare center na Baranggay Centro-10 ay mavvuka sonu Setyembre 19.

Kagitta na attarannang nga iskwela ira, nagimmang gapa y daycare ira ta duwa ragun megafu ta COVID-19 pandemic ta interu Filipinas ta 2020. 

Segun kani Child Development Worker Rozeny Tumaliuan, y pamegafu uli na daycare centers ay tumuttul ta makagi nga new normal protocols kagitta na social distancing.

Y bilang na abbing ira ay magadduwa ta duwa nga grupo nu sitaw y tadday ay gubbo ta Lunes anna Miyerkules, anna yuri tadday gapa ay Martes anna Huwebes. 

Y grupo nga matallung depende ta aggaw ay magadduwa uli ta duwa nu sitaw y tadday ay gubbo ta umma, anna y tadday ay gubbo ta fugak.

Meyammung taw, napparan ngana y daycare centers meyannung ta health protocols. Mepangngo ngana y temperature checks, anna disinfection lige na mamegafu y klase ira.

Para at ammung nga informasyon, uyya na mangivu ta daycare center na babaranggay. (OTB/JKC/PIA Region 2)