KALIBO, Aklan ( PIA) --  Mangin boluntaryo eon lang ro pagsuksok it face mask sa Aklan.

Raya hay suno sa ginpaguwa nga Executive Order No. 027, serye it 2022 nga may petsa nga Septyembre 13, 2022 ni Governor Jose Enrique Miraflores nga naga adaptar ag  naga establisar it mga sueundanon sa pagsuksok it face masks ag ro padayon nga pag implementar it ‘Minimum Public Health Standards’ suno man sa Executive Order No. 03 ni Presidente Ferdinand R. Marcos nga ginpaguwa it una.

nga ku nagtaliwan nga mga binuean, ro Aklan hay nagpabilin sa Alert Level 1 ag nalista ku Septyembre 13, 2022 nga 95.94% it populasyon it Aklan hay habakunahan eon kontra sa COVID-19 ngani dapat nga ma adaptar eon ro mandato it EO. No. 03.

Sa pihak nga pwede eon lang nga boluntaryo ro pagsuksok it facemask sa bukas nga mga lugar, ginhambae ni Governor Miraflores nga dapat gihapon magsuksok it face masks ro tanan sa mga saeakyan nga pangpubliko ag sa mga sueod it establisimyento kon siin malisod ika implementar ro "physical distancing."

Sa makaron, euwas sa gobyerno probinsyal, daywang ka mga banwa sa Aklan ro nagpaguwa man it executive order sa pag -adaptar man it E.O. ni Presidente Marcos, ag raya ro mga banwa it Kalibo ag Malay. (JBG/VGV/PIA6 Aklan)