Georgia

No. of :

No. of Shares:

Currently viewed by: Marcus Rosit

PBBM hisgutan ang food security, climate change sa UNGA 77

Hisgotan ni Presidente Ferdinand "Bongbong" Marcos Jr., atol sa iyang pag-apil sa United Nations General Assembly, ang pipila ka mga prayoridad sa iyang administrasyon sama sa mga oportunidad alang sa mas lig-on nga kooperasyon sa food security, agriculture, renewable energy, ug climate change.

Migikan ang Presidente paingon sa New York City, United States, Domingo sa buntag aron motambong sa 77th United Nations General Assembly (UNGA) diin naa sa mga 152 ka mga lider sa lain-laing mga nasud ang gilauman nga magtapok.

Bag-o mibiya, miingon ang Presidente nga iyang sigurohon nga ang tingog sa nasud madungog sa General Assembly. Dugang pa niya nga iyang ipadayag ang mga gilauman sa nasud gikan sa United Nations ug ang mga katungdanan sa Pilipinas, ug kung unsa ang mahimo aron mapalig-on pa ang internasyonal nga sistema.

Sa UNGA 77, ang matag pangulo sa estado hatagan ug baynte minutos aron mamulong sa General Debate.

Matud pa ni Department of Foreign Affairs Assistant Secretary Kira Danganan-Azucena, importante ang partisipasyon sa Presidente sa UNGA tungod kay mao kini ang una niyang pakig-uban sa United Nations, nga giila sa Pilipinas nga labing importante nga multilateral organization sa kalibutan.

Gilauman usab nga motambong si Presidente Marcos sa mga economic briefing aron mapadayon nga mapataas ang ekonomiya sa nasud.

Gipasiugda sa Presidente nga ang Public-Private Partnerships makatabang sa pagkab-ot sa 'better normal' nga gipaabot sa nasud.

Kauban sa Presidente sa iyang pagbyehe sa US ang mga representante gikan sa pribadong sektor.

Apil sa gitakdang mga kalihokan sa Presidente ang pagbisita sa Filipino community aron pasalamatan sila sa ilang suporta ug pagmatuod sa ilang importanteng papel alang sa nasud.

Ang General Debate sa United Nations General Assembly maoy kahigayonan sa mga lider gikan sa lain-laing mga nasod nga magtigom sa UN Headquarters ug maghisgot sa mga isyu sa kalibotan.

Mahitabo kini sa Septembre 20-26, 2022 ug mahimong sundan online sa https://gadebate.un.org/en 

About the Author

Clennkei Peñalosa

Information Officer

Region 9

Feedback / Comment

Get in touch