Georgia

No. of :

No. of Shares:

Currently viewed by: Marcus Rosit

BPPO mibahad batok sa pagpasamwak sa mga pekeng impormasyon

NAVAL, Biliran (PIA) -- Mibahad ang Biliran Police Provincial Office (BPPO) pinaagi ni Acting Provincial Director, PCol. Dionisio DC Apas Jr, batok sa pagpasamwak sa mga pekeng impormasyon nga makailad, makapalibog, ug makahimo sa kagubot ug kahadlok sa publiko.

Diha sa Facebook post sa BPPO, nahisayran nga gipasakaan na sa kaso ang usa ka batan-ong babaye kinsa mipost ug mipakaylap sa pekeng panghitabo kabahin sa usa ka puti nga van nga nagtinguha pagkidnap kaniya niadtong nakalabay Agosto 20, 2022, sa mga alas 2:40 sa hapon didto sa Brgy. Santissimo Rosario, sa poblacion, Naval, Biliran.

Gipasaka na ang kaso didto sa Prosecutor’s Office niadtong nakalabay Septeyembre 13 alang sa kalapasan sa Article 154, Paragraph 1 sa Revised Penal Code, nga giamyendahan sa RA 10951 o Consummated unlawful use of means of publication and unlawful utterances nga may kalabutan sa Sec. 6 of RA 10175.

Kasumpay niini mao ang panawagan sa BPPO sa publiko sa pagmabinantayon ug pagkaresponsableng kauban pagprebentar sa krimen pinaagi sa paghatag sa importante ug eksaktong mga kasayoran.

Mahimo kining ipadangat diha sa pinakaduol nga police stations o pinaagi sa official social media accounts: Facebook Account - Biliran Provincial Pulis, o Facebook Page - Biliran Police Provincial Office, o sa BPPO Hotline No. 09156419144/09471473364.

Mipasalig ang BPPO nga magpabiling sekreto ug dili ibutyag ang persona sa tawo nga maghatag sa mga kasayoran. (MMP/MLT/PIA8 Biliran)

About the Author

Mary Lailani Tupaz

Writer

Region 8

Feedback / Comment

Get in touch