Georgia

No. of :

No. of Shares:

Currently viewed by: Marcus Rosit

DOST nagpain P17M para sa SETUP program sa Neg. Occ.

SYUDAD SANG BACOLOD  (PIA)—Nagpain sang P17 milyones ang Department of Science and Technology (DOST) Negros Occidental para sa Small Enterprise Technology Upgrading Program (SETUP).

Suno kay Science Research Specialist II Engr. Glady Reyes may ara na nga tatlo ka mga aplikante nga nagsumiter sang proposal, nga kon ini maaprobahan, sarang sila makautang tubtob P3 milyones kon natuon sa small medium enterprise (SME) ang iya negosyo kag P500,000.00 naman kon ini isa ka micro, small, and medium enterprises (MSME).

Nahibaluan nga makaangkon ang mga negosyante sang libre nga paghanas,  packaging enhancement kag iban pa nga mga nanari-sari nga consultancy assistance. 

Tinutuyo sang SETUP nga programa nga mag-uswag ang negosyo sang mga aplikante kag maestablisar ang mabaskog nga kita sini.

Suno kay Reyes, may anom ka mga priority sector ang ginatutukan sang DOST nga ginalakipan sang food processing, furniture, gifts, decors and handicrafts, marine and aquatic resources, horticulture (cut flowers, fruits, high-value crops),  metals  kag iban pa nga mga engineering nga mga produkto.

Sa idalum sang manufacturing productivity nga programa ang mga apli-

kante sarang makaangkon sang mga gamit para sa ila negosyo kon ini ang  makapasar sa pag-usisa sang mga DOST consultants. Samtang, sarang ini mabayaran sa sulod sang tatlo ka tuig nga wala sang interes.

Ang mga kinahanglan nga mga dokumento sang mga aplikante para sa SME amo ang tatlo ka tuig nga financial report, mayor’s permit, BIR registration kag DTI registration. Sa mga MSME: isa katuig nga financial report, mayor’s permit, BIR registration kag DTI registration.

Para sa dugang nga kasayuran magbisita sa talatapan sang DOST nga nahamtang sa Cottage Road, Bacolod City, atubang Hall of Justice o magtawag sa Telepono 435-91-75. (AAL/Lljr/PIA 6 Negros Occidental)

About the Author

Lorenzo Lambatin, Jr.

Writer

Region 6

Feedback / Comment

Get in touch