Georgia

No. of :

No. of Shares:

Currently viewed by: Marcus Rosit

Aklan may 6 nga mga daeayawon nga empleyado it gobyerno

KALIBO, Aklan (PIA) -- An-um nga mga Aklanon nga nagaobra sa gobyerno ro gindeklara it Civil Service Commission (CSC) nga mga nagdaog sa rehiyon  sa “Search For Outstanding Government Workers 2022."

Suno kay Leo Jamorin, Director II it CSC-Aklan, rayang an-um nga Aklanon ro nagdaog sa nasambit nga “search” sa pito nga mga gin nominar it opisina para kara.

Agud mangin makahueugan ro pag obserbar it ika 122 nga anibersaryo it Philippine Civil Service, nagpasilitar it sangka pagkililita si Jamorin it mga nagdaeaog ngara kaibahan ro lokal nga media sa pagrekognisar kanda ag ikasugid man nanda ro andang mga ha akomplisar.

Sa mga nagdaeaog ngara, ap-at  ro halin sa Department of Education (DepEd) sa idaeum tanan it Dangal ng Bayan nga kategorya, samtang sa idaeum it CSC PAGASA Award nga kategorya, sambilog ro halin sa LGU-Libacao ag ro ika an-um hay grupo nga halin sa sangka Government Owned and Controlled Corporation (GOCC).

Raya ro grupong "Aqua Belles" it Metro Kalibo Water District nga regional winner sa 2022 Search for Outstanding Government Workers sa kategorya nga CSC PAGASA Award

Kaeabanan sa mga nagdaeaog halin sa DepEd hay nagabuyot it mga mataas nga posisyon sa andang mga eskuylahan kon siin sanda hay may mga gin umpisahan nga tumaeagsahon ag mayad nga mga ideya  ag ha akomplisar bilang mga manugturo nga mabahoe ro kapuslanan bukon eamang sa mga eskuyla kundi sa komunidad man.

Halin sa DepEd, ro mga nagdaeaog hay sanday Elnor T. Luna, School Principal I it Bakhaw Norte Integrated School sa Kalibo; Mark Daroy, School Principal I it Tangalan Elementary School sa Tangalan, Aklan; Joli P. Ilin, Master Teacher II it Buruanga Elementary School sa

Buruanga, Aklan; ag Ju-im T. Jimlan, Head Teacher I it Tamalalgon Integrated School sa Tangalan, Aklan.

Samtang, ro mga nagdaeaog sa 2022 CSC PAGASA Award Category hay ginakumpunihan nanday Maximo Sarceno, Senior Environmental Specialist it LGU-Libacao; ag grupo it mga kababayehan halin sa Metro Kalibo Water District nga ginatawag nga “Aqua Belles”.

Suno kay Jamorin, nalipay gid imaw sa pagdaog it an-um ngara ag tinguhaon gid ku anang upisina nga sa masunod nga dag-on hay magdaog tanan ro andang nominado.

Nag attender man sa nasambit nga pagtililipon ro mga "national winners" ku nagtaliwan nga dag-on sa kapareho nga "search" nga sanday John Alcazarin it LGU-Numancia ag Analyn Perez it DepEd-Altavas nga ginsugid man ro andang mga ekspersyensya antes ag pagkatapos nanda nga magbaton it pagpadungog. (JBG/VGV/PIA 6 Aklan)

About the Author

Venus Villanueva

Writer

Region 6

Feedback / Comment

Get in touch