Georgia

No. of :

No. of Shares:

Currently viewed by: Marcus Rosit

TESDA nagpahigayon ug TIP, CBT sa Midsalip

MIDSALIP, Zamboanga del Sur, 26 Sept. (PIA)— Ang Technical Education Skills and Development Authority (TESDA) Provincial Training Center malampusong nagpahigayon sa Training Induction Program (TIP) ug Community Based-Training sa Barangay Piwan sa lungsod sa Midsalip ning lalawigan.

Napulo’g walo (18) ka mga mulupyo nga naglangkub sa grupo sa mga mag-uuma ug kababayen-an ang nakapahimulos sa programa ilawom sa  Special Training for Employment Program (STEP) nga na-enrolled sa Agricultural Crop Production NC-II (Plant Crops), samtang napulo (10) ka mga babaye ang nakapahimulos sa Community-Based Training diin sila ang gibansay sa TESDA pagluto sa init nga mga pagkaon.

Ang mga scholars nakadawat sa mosunod nga mga benepisyo: libreng training (no assessment), P160.00 kada adlaw nga allowance sulod sa 10 ka adlaw, P500 nga new normal allowance, P500 nga uniform allowance, accident insurance ug starter tool-kits ug entrepreneurial training.

Matud pa ni Provincial Director Miraluna Lopez nga ang TIP ug CBT usa ka maayong programa aron ang mga eskolar makahimo pagsugod sa ilang kaugalingong panginabuhian ug aron mahimong produktibong miyembro sa katilingban uban sa mga libreng starter tool-kits nga gihatag sa TESDA.

Mitambong usab ang mga national government agencies ning mosunod: Technical Education and Skills Development Authority (TESDA), Armed Forces of the Philippines (AFP), Cooperative Development of Authority (CDA), Department of Agriculture (DA), Department of Labor and Employment (DOLE), Department of Science and Technology (DOST), Department of Trade and Industry (DTI), Philippine Coconut Authority (PCA), Philippine National Police ZDS (PNP-ZDS), Philippine information Agency (PIA), National Irrigation Authority (NIA), Bureau of Fisheries and Aquatic Resources, ug Department of Education (Dep. Ed) nga nagpahibalo sa mga katawhan sa ilang mga programa ug serbisyo aron sila ang makapahimulos niini. (GCC/Marcos Navares-GIP/PIA-Zamboanga del Sur)


About the Author

Gideon Corgue

Writer

Region 9

Feedback / Comment

Get in touch