Georgia

No. of :

No. of Shares:

Currently viewed by: Marcus Rosit

Valencia City Mayor nagtugot sa boluntaryong pagsul-ob sa facemask

VALENCIA CITY, Bukidnon (PIA)—Mipagawas sa Executive Order No. 129 si Valencia City Mayor Azucena P. Huervas nga nagtugot na sa boluntaryong pagsul-ob sa facemask sa mga ‘outdoor setting’ ning syudad.

Subay kini sa Executive Order No. 3 nga gi-isyu ni President Ferdinand R. Marcos Jr. niadtong Septiyembre 12 nga mahimo nang boluntaryo ang ‘wearing of facemask’ kung naa sa lugar nga dili daghang tawo.

Base sa pinakaulahing rekord sa Valencia City Inter-Agency Task Force (IATF) on COVID-19, sugod Septiyembre 11 hangtud 18, duna lamang siyam ka aktibong kaso ang natala sa syudad.

Sa kasamtangan nagpabilin nga naa sa Alert level 1 ang syudad sa Valencia, ug nagpabilin usab nga kontrolado ang mga aktibong kaso sa COVID-19.

Gipasabot sa mayor nga gitugotan ang boluntaryong pagsul-ob sa facemask sa mga ‘open spaces’ ug dili ‘crowded outdoor areas’ nga adunay maayong bentilasyon.

Samtang gi-awhag sa mayor kadtong wala pa hingpit nga nabakunahan, sama sa mga senior citizen, ug mga immunocompromised nga indibidwal, nga padayonon gyud ang pagsul-ob sa facemask sa tanang panahon. (BGE/PIA-10/Bukidnon)

Mipagawas sa Executive Order No. 129 si Valencia City Mayor Azucena P. Huervas diin nagtugot sa boluntaryong pagsuot sa facemask sa mga ‘outdoor setting’ sa Valencia City. (File Photo/Valencia LGU)

About the Author

Bernadith Epan

Job Order

Region 10

Feedback / Comment

Get in touch