LAOAG CITY (PIA) - Natudukan ti booster shot kontra COVID-19 dagiti tricycle drivers iti Laoag City kabayatan iti naisayangkat a Bayanihang-Bayan: PinasLakas Special Vaccination Days idiay auditorium ditoy.
Segun kenni Laoag City Mayor Michael Marcos Keon, naisayangkat ti panagpa-booster ti bakuna kontra COVID iti auditorium iti siudad kas panangipakitada iti napnuan a suportada iti kalikagum ni Presidente Ferdinand Marcos Jr. a mabakunaan ti 50% kadagiti kualipikado a lumugar.
Indagadag pay ni Mayor Keon kadagiti ticycle drivers nga agpa-boosterda para iti naan-anay proteksionda kontra COVID, pakairamanan dagiti pasaheroda.
“Now we’re beginning to explain things to people, including the tricycle driver so that they really understand the system and the importance of needing to be vaccinated.” kinuna ni Keon.
Kinuna ni Francisco Martin, agdama a presidente ti Federation of Tricycle Association of Laoag City, a ti panagpa-booster iti bakuna kontra COVID-19 ti kasamayan a wagas tapno malapdan iti panagwaras ti nasao a bayrus.
Kabayatanna, inbatad met ni Adonis B. Mahinay, maysa a tricycle driver a taga – Laoag City a nabakunaan ti Pfizer Biontech vaccine, a naamuanna nga adda maangay a booster vaccine roll-out babaen iti koordinasion ti Federation of Tricycle Association of Laoag kadagiti impleado iti LGU.
“Ti presidentemi a ni Francisco Martin ti napan nakimiting kadagiti empleado ti LGU, nars ken doktors iti DOH idiay auditorium. Kalpasanna inawisna kami amin a mapan agpa-boodster,” kinuna ni mahinay
Paset daytoy nga espesial a vaccination program iti bakunahang bayan a madama nga ipatpatungpal ti DOH babaen iti tulong dagiti Local Government Units (LGUs) iti probinsia.
“For booster, please convince your family, your relatives, your friends, and even office mates to get vaccinated kasi after 6 months ng first and second dose talagang bumababa na yung immunity” inburay ni Dr. Paula Paz Syndionco, ti agdama a regional director ti DOH - Center for Health and Development 1.
Iti agdama, inaldaw nga addan panagbakuna ti COVID-19 vaccines iti Laoag City a pakairamanan kadagiti barbarangay. Maar-aramid met ti house-to-house a panagbakuna para kadagiti residente a saan a makapan iti vaccination sites. (JCR/JPD/EJFG/VD, PIA Ilocos Norte)
