Georgia

No. of :

No. of Shares:

Currently viewed by: Marcus Rosit

Ziping nga estudyante ta Tuguegarao, kampyon na chess tournament ta Thailand

TUGUEGARAO CITY, Cagayan (PIA) - - Gold Medal y nala na mazziping nga si Jury Joaquin Ferrer anni Seigneur Juancho Ferrer, anna si Royce Caleb Garcia na Team Philippines ta Under-8 Rapid Team Category na Eastern Asia Youth Chess Championship, nga nakwa ta Bangkok, Thailand ta meka-5 na Novyembre, 2022. 

Y mazziping nga Ferrer ay maggafu ta Tuguegarao anna magigiammu da sangaw ta Grade 2 ta Tuguegarao North Central School.

Nedeklara nga kampyon y Team Philippines kabalid-da nga mangaffu ta mamit-trese nga gayam. Tumunuk nira y representante na Mongolia nga nakakala ta siyam nga puntos, anna South Korea nga nakakala gapa ta walu nga pangaffu.

Mekappa ta pwestu y Singapore nga sinunugan gapa na Thailand ta mekalima nga pwestu.

Insigida nga neparattal ni Tuguegarao City Mayor Maila Ting-Que y pakirayaw na ta mazziping megafu ta dayaw nga neyawa da ta siyudad. (JKC/Report na TCIO/Letratu na TNCS)

Y mazziping nga Ferrer ay maggafu ta Tuguegarao anna magigiammu da sangaw ta Grade 2 ta Tuguegarao North Central School. (Retratu na TNCS)

About the Author

Jan Karl Coballes

Regional Editor; Research and Development Officer; Tuguegarao City and Batanes Information Center Manager

Region 2

Ibanag. Writer. Researcher. Ethnographer. Ethno-historian. Graduate student focusing on linguistic and cultural anthropology.

Feedback / Comment

Get in touch