Georgia

No. of :

No. of Shares:

Currently viewed by: Marcus Rosit

PBBM nanawagan sa pagpalagsik og balik sa MSMEs sa APEC meeting

TAGBILARAN CITY, Bohol, Nov. 18 (PIA) -- Si Presidente Ferdinand R. Marcos Jr. niadtong Biyernes nihatag og gibug-aton sa panginahanglan nga pig-otan ang digital divide aron tugotan ang mga disadvantaged nga bahin sa mga ekonomiya sa Asia-Pacific nga rehiyon nga makaapil sa digital nga ekonomiya, partikular na ang micro, small and medium enterprises (MSMEs).

Sa iyang interbensyon atol sa ika-29 nga APEC Economic Leaders’ Meeting (AELM) Retreat Session, si Presidente Marcos miingon nga ang revitalization sa MSMEs maoy usa sa mga nag-unang prayoridad sa iyang administrasyon, nga gikonsiderar ang ilang tahas isip mga katalista alang sa economic regeneration, pagmugna og trabaho, ug pagpakunhod sa kakabos.

“However, they continue to face systemic problems and structural challenges heightened by the pandemic. MSMEs need opportunities and assistance to recover, grow and progress in the post-pandemic and digital age (Bisan pa, nagpadayon sila sa pag-atubang sa mga sistematikong problema ug mga hagit sa istruktura nga gipataas sa pandemya. Ang MSMEs nanginahanglan og mga oportunidad ug tabang aron mabawi, motubo ug mouswag sa post-pandemic ug digital age)," matud pa ni Marcos sa mga economic leaders.

Ang digital nga ekonomiya nagsaad sa MSMEs og dugang nga kalig-on ug produktibidad, apan uban sa husto nga mga himan ug mga polisiya nga gipahimutang, ang lider sa Pilipinas miingon, nga nagpunting sa panginahanglan sa MSMEs sa pagsagop sa e-commerce aron mahimong mas hanas ug abtik sa paggamit sa digital nga mga solusyon ug mga pamaagi.

Matud pa sa Pangulo, giila sa mga ekonomiya sa APEC ang pagsuporta sa mga paningkamot sa digitalization sa MSMEs human sa COVID-19 magkinahanglan sa mga policymakers ug sa pribadong sektor nga magtinabangay sa pagtukod og mga interbensyon ug regulatory frameworks nga motubag sa long-term nga kalig-on ug kabag-ohan ingon man pag-uswag sa digital nga pagsagop sa nagkalain-laing bahin sa MSMEs.

Ang Presidente anaa sa iyang ikatulong adlaw sa Thailand diin siya mitambong sa 29th AELM. (ECB/PIA7 Bohol)

About the Author

Elvira Bongosia

Writer

Region 7


Feedback / Comment

Get in touch