Georgia

No. of :

No. of Shares:

Currently viewed by: Marcus Rosit

SP Bohol magpaconvert sa prov'l road ngadto’s nat'l road

TAGBILARAN CITY, Bohol, Nov. 6 (PIA) -- Daku nga pundo ang mapalingkawas gikan sa local nga panudlanan sa Bohol kon mapatinuod ang pagpabalhin sa mga duha ka provincial roads ngadto sa nasundong kagamhanan, ug  ang matigum nga pundo, magamit na unya sa laing mga galastohan.

Dala niini, gipaabut nga suportahan sa Sangguniang Panlalawigan (SP) nga ipalabang na ang resolusyon subay sa rekomendasyon sa SP Comittee on Public Works, Highways and Related Infrastructure alang sa conversion sa provincial road gikan sa Catigbian, paingon sa San Isidro, Bohol, subay sa Brgy. Caimbang San Isidro ug ang Cahayag Tubigon, tadlas sa San Isidro paingon sa Poblacion sa Catigbian Road

Kahinumduman nga una na nga mingduso og resolusyon ang Sangguniang Bayan sa San Isidro alang sa pagpabalhin sa nahisgutang karsada, samtang laing resolusyon usab ang naghangyo nga ang provincial road nga gikan sa Cahayag Tubigon paingon sa Catigbian subay sa Cabanugan, ipabalhin usab ngadto sa nasundong kagamhanan.

Sa Committee Report No. 2022-003 sa SP Committee, nahibaloan nga ang Catigbian-San Isidro Provincial Road, matud pa ni Provincial Engr. Camilo Gasatan, may katas-on nga 6.340 ka kilometros ug 7% lang niini nga habig sa San Isidro ang kongkreto samtang sementado na ang bahin sa Catigbian.

Subay sa nasudnong palisiya, ang pagpabalhin sa mga local nga dalan ngadto sa  nasudnong dalan magbase sa sumbanan sa Department of Public Works and Highways (DPWH) Road Functional Classification Criteria alang sa nasudnong kagamhanan aron madawat alang sa conversion.

Gawas pa, kini, kon ang mga technical requirements maduso na ug ikapacomply aron masugdan ang pagproseso niini.

Segun pa sa palisiya, kinahanglang mapakita ngadto sa nasudnong kagamhanan ang pag-angkon na sa gikinahanglang minimum nga 20-metros nga road right-of-way (RROW) subay sa EO 112, Series of 1955 ug sa minimum nga 15-metros nga road right of way (RROW) alang sa mga highly urbanized areas base sa EO 621, s1980.

Gikinahanglan usab ang certification gikan sa Registry of Deeds aron maseguro sa DPWH nga wala nay galastohon pa sa pagbayad sa RROW nianang  nahisgutang mga dalan.

Iduso usab ang certification gikan sa District Engineer sa natungdang dalan nga kini, nakapasar sa standards sa DPWH nga 20-metros RROW, ug may labing menos 6-metros nga shoulder carriageway bisan kon kini wala pa masemento apan mahimong mintinaron.

Kon maduso na sa SP ang resolusyon sa conversion, ikuyog niini ang resolusyon sa Sangguniang Bayan, ang endorsement gikan sa DPWH Regional Office ug  ang mapa nga magpakita sa lokasyon sa dalan nga magtumbok, diin kini magsugod ug matapos, diin mosumpay ug  ang  kamahinungdanon niini sa nasudnong pag-ugmad.

Sugyot usab ni Gasatan, nga samtang nagpaabut sa conversion, maghimo na usab og laing resolusyon ang SP  nga maghangyo sa 2nd Congressional District nga pundohan ang pagpasemento sa wala pa mapasinaw nga bahin sa dalan samtang nagpaabut sa aksyon sa goberno niini.

Sa laing bahin, si Bokal Nathaniel Binlod, kinsa Chairperson sa nahisgutan nga komitiba, mirekomenda usab sa paghangyo usab sa duha ka Congressional Districts nag pundohan usab ang pagpalig-on ngadto sa pagpakonkreto ang nahugno nga Caimbang Bridge.

Ang Caimbang Bridge anaa sa utlanan sa Catigbian ug San Isidro, nga nasulod sa Una ug Ikaduhang Distrito.

Sa kaso sa Cahayag-Catigbian via Cabanugan Road, dugang ni Gasatan, nga sa katas-on nga 7.576 kilometros nga Cahayag ngadto sa Catigbian Road, 81% na niini ang sementado.

Nunot niini, sugyot sa Komitiba ang laing resolusyon paghangyo ni Kongresista Vanessa Aumentado sa pagpundo sa nahibiling 1.4 kilometros nga dalan sa San Isidro nga wala pa masemento aron masumpay na kini ug ikapangandam na sa conversion.

Dayag sa mga sakop sa Komitiba, ang pagpabalhin niini nga mga nahisgutang dalan ngadto sa nasudnong kagamhanan magkahatag na niini og mas desente nga pundo gikan sa nasudnong panudlanan, mas daghang trabahong makuha, maluag-luagan ang trapiko ug mabuksan pa ang mas daghang lugar nag sayon duolon sa turista.

Gawas nga maluag-luagan usab ang gastohonon sa provincial government alang niining mga dalan, kay ang DPWH na man ang masangonan sa maintenance niini, makapadali na usab kini sa pagresponde ilabi na sa mga hilit nga lugar kon may katalagman. (RAHC/PIA7 Bohol)


Duha ka dalan sa provincial government nga nagsumpay sa ika-2 nga distrito ngadto sa unang distrito ang ipabalhin ngadto sa national eoads ang gisuportahan sa SP Committee on Public Works and Highways and related Infrastructure ubos ni Board Member Nathaniel Binlod. (RAHC/PIA7 Bohol)

About the Author

Rey Anthony Chiu

Regional Editor

Region 7

Feedback / Comment

Get in touch