Georgia

No. of :

No. of Shares:

Currently viewed by: Marcus Rosit

43 ka LGU sa Rehiyon 6 ginpasidunggan sang RDRRMC sa ika-22 Gawad KALASAG

ILOILO CITY (PIA) -- Kapin 43 ka local government units (LGUs) sa Rehiyon 6 ang ginpasidunggan bangod sa ila dalayawon nga hinimuan sa patag sang pagbantay sa mga high-risk nga komunidad dulot sang mga natural kag buhat sang tawo nga kalalat-an.

Ang ini nga mga LGUs ang gikan sa Aklan, Antique, Capiz, Guimaras, Iloilo kag Negros Occidental nga nakabaton sang "beyond compliant" kag "fully compliant ratings" sa mga validators nagikan sa mga lokal kag nasyonal nga mga talatapan. 

Ang nasambit nga mga LGU ang nagtambong sa ika-22 nga Gawad KALASAG (GK) Seal and Special Awards for Excellence in Disaster Risk Reduction and Management (DRRM) and Humanitarian Assistance National Awarding Ceremony nga ginhiwat sang RDRRMC 6 sang Nobyembre 22 diri sa Syudad sang Iloilo.

Ang pagkilala ang nagalakip sa kategorya sang GK Seal for Local DRRM Councils and Offices, GK Special Awards for Civil Society Organizations (CSOs), GK Special Awards for Government Emergency Management and Response Teams (GEMS), GK Special Awards for Private Organizations, kag GK Special Recognition for National Finalists.

Suno kay RDRRMC 6 vice chairperson sang Rehabilitation and Recovery Committee kag nagapungko nga direktor sang National Economic and Development Authority (NEDA) 6 Arecio A. Casing, Jr., ang panglakaton pakadto sa handum nga mangin isa ka fully-resilient nga rehiyon isa kadaku nga buluhaton apang ang bunga sini amat-amat na nga makita subong diri sa Kabisay-an Nakatundan.

“We have gone a long way in enhancing our resiliency to disasters. Let this accomplishment be a motivation to excel in making our whole region more resilient and sustainable. We started strong in

facing our challenges; let us continue strong in reducing these and making our communities more adaptive to any climate and environmental challenges,” suno kay Casing.

Samtang, ginhatagan naman pagtamod ni Office of the Civil Defense director for Rehabilitation and Recovery Management Service Harold N. Cabreros ang importansya sa pagpanghanda kag paglakip sang lokal nga komunidad sa ti-on sang mga emerhensya.

Iya man ginpanginbulahan ang mga gobyerno lokal sa ila ginpakita nga huluwaran nga pagpamuno kag buhat sa pagpasanyog sang DRRM para pat-uron ang kahilwayan sang tanan, samtang naghatag ini sang panibag-o nga paghangkat.

“Be relentless in reinventing your strategies so they may remain always responsive to the changing demands of the disaster risk

reduction landscape. Cultivate ingenuity of the Filipino as you develop more means to respond among the DRRM challenges,” siling ni Cabreros.

Ang Gawad KALASAG, ukon KAlamidad at Sakuna LAbanan, SAriling Galing ang Kaligtasan, isa ka hilikuton nga ginapatigayon tagsa ka tuig sang DRRMC nga may tinutuyo nga agdahun ang tanan nga nasakupan nga magpartisipar sa pagbuhat kag pag-implementar sang mga polisa, tikang, kag mga programa sa pagbantay sang mga high-risk nga komunidad para mas pasangkaron ang ang ila ikasarang sa patag sang pagsiguro sang kahilwayan kag kabakud batuk sa mga nagakalain-lain nga kalamidad. (JBG/AGP/PIA6)

About the Author

April Grace Padilla

Information Officer II

Region 6

Feedback / Comment

Get in touch