Georgia

No. of :

No. of Shares:

Currently viewed by: Marcus Rosit

Owa it red tide sa Aklan suno sa BFAR

KALIBO, Aklan (PIA) --  Owa it red tide sa probinsya it Aklan, suno sa Bureau of Fisheries and Aquatic Resources (BFAR).

Raya hay base sa Shellfish Bulletin No. 23 Serye it 2022 nga ginpaguwa ku Nobyembre 21, kon siin, nakabutang kara nga ro mga baybayon sa Altavas, Batan, ag New Washington sakup it Batan Bay sa probinsya it Aklan hay euwas sa red tide.

Nakabutang man sa bulletin ro mga sari-saring lugar nga euwas sa red tide sa Luzon, sa Kabisay-an, ag sa Mindanao.

Iya sa Bisayas Nakatundan, ro pila pang mga lugar nga euwas gihapon sa red tide hay Isla de Gigantes, Carles ag Borongon, San Dionisio sa Iloilo; ag E.B. Magalona, Talisay City, Silay City, Bacolod City, Hinigaran, ag Victorias City sa Negros Occidental.

Sa pihak nga parte, nakalista ro BFAR it 11 nga mga baybayon sa nasyon nga may red tide.

Ray hay sa Milagros sa Masbate; Roxas City, Sapian Bay, Panay, President Roxas ag Pilar sa Capiz; Irong-Irong Bay ag San Pedro Bay sa Samar; Dauis ag Tagbilaran City sa Bohol; ag Lianga Bay sa Surigao del Sur.

Owa it kueba ro mga Aklanon sa pagbakae it isda ag anuman nga klase it pakinhason sa Aklan bangud owa it red tide sa probinsya, suno sa BFAR

Ro pagpanginhas, pagbaligya, pagbakae ag pagkunsumo ku mga pakinhason halin sa rayang mga lugar hay ginabawae bangud tanan nga klase kara pati ro mga hipon hay bukon it euwas kaunon, suno sa BFAR.

Ro mga isda, eukos, pasayan ag alimango sa rayang mga lugar hay pwede mat-a hikaon basta eab-as eang ag ginhugasan it mayad, ag ro mga kasudlan pareho ku tinai ag hasang hay ginbuoe antes eahaon. (JBG/VGV/PIA6 Aklan)

About the Author

Venus Villanueva

Writer

Region 6

Feedback / Comment

Get in touch