NABUNTURAN, Davao de Oro (PIA) - - Modawat ang Philippine Deposit Insurance Corporation (PDIC) og mga bids alang sa 19 ka agricultural lots sa e-bidding portal niini sa https://assetsforsale.pdic. gov.ph gikan alas 9:00 sa buntag sa Disyembre 15, 2022, hangtod sa 1:00 sa hapon sa Disyembre 16, 2022.
Ang mga bids paga-ablihan sa alas 2:00 sa hapon sa Disyembre 16, 2022.
Ibaligya na "as-is, where-is" nga basehan ug adunay kinatibuk-ang minimum nga disposal nga presyo nga P27.2 milyones. Kini nga mga kabtangan gipanag-iya sa mga nasirado nga bangko nga ubos sa liquidation sa PDIC ug nahimutang sa Aklan, Antique, Batangas, Bulacan, Iloilo, Lanao del Norte, Negros Occidental, Negros Oriental, Nueva Ecija, Palawan, ug Rizal. Kini naglakip sa 16 ka agricultural lots - duha niini ibaligya isip usa; ug tulo ka mixed agricultural/residential lots diin duha niini adunay mga kalamboan. Ang gidak-on sa propyedad gikan sa 544 hangtod 380,000 square meters nga adunay pinakamubo na presyo sa disposal tali sa P307,800 ug P4.4 milyones.
Alang sa mga interesadong mopalit, gikinahanglan nga magrehistro sa PDIC e-bidding portal sa http://assetsforsale.pdic.gov. ph/Account/Register sa dili pa mosumiter og mga bid.
Sa higayon nga marehistro na, mahimo nilang obserbahan ang e-bidding proceedings sa website pinaagi sa pag-klik sa “Assets for Sale” icon sa homepage sa PDIC website nga www.pdic.gov.ph.
Ang kompletong listahan ug deskripsyon sa mga kabtangan, mga kinahanglanon, proseso sa e-bidding, ug Kondisyon sa Bid kay gibutang sa samang portal. Gipahinumdoman ang mga bidder sa ilang responsibilidad sa pagdeterminar sa aktuwal nga kondisyon, status, pagpanag-iya, ug uban pang mga sirkumstansya sa mga kabtangan nga gusto nilang maangkon.
Alang sa mga lote nga pang-agrikultura, ang mga bidder kinahanglan usab nga magsumite usa ka Sertipikasyon, nga gi-isyu sa Provincial Agrarian Reform Officer (PARO) sa Department of Agrarian Reform kung diin nahimutang ang propiedad, nga ang propyedad nga nasakop sa bid dili sakop sa Comprehensive Agrarian Reform Program (CARP), ug nga walay Emancipation Patent o Certificate of Land Ownership Awards nga na-issue para sa maong propyedad. Alang sa maong mga lote, gikinahanglan usab ang mga bidder nga mosumiter og Affidavit of Aggregate Land Holdings, nga nag-ingon nga ang collective landholdings sa tawo - lakip na ang propyedad nga makuha atol sa bidding - dili molapas sa lima ka ektarya nga limitasyon nga gitakda sa balaod. Ang standard nga pormat alang niini nga Affidavit mahimong ma-download gikan sa e-bidding portal.
Para sa mga partisipante nga nag-bid alang sa laing indibidwal o organisasyon, ang Pro-forma Special Power of Attorney ug Secretary's Certificate, matag usa, mahimo usab nga ma-download gikan sa e-bidding portal.
Alang sa dugang impormasyon sa e-bidding, ang mga interesadong pumapalit mahimong motawag sa PDIC Public Assistance Department sa (02) 8841-4141 atol sa oras sa opisina. Kadtong gawas sa Metro Manila mahimong motawag sa PDIC toll-free hotline sa 1-800-1-888- PDIC o 1-800-1-888-7342, sa oras usab sa opisina. Mahimo usab nga ipadala ang mga pangutana pinaagi sa e-mail sa pad@pdic.gov.ph o pribadong mensahe sa Assets for Sale Facebook page sa PDIC (@PDICAssetsforSale) o sa opisyal nga Facebook page sa PDIC (@OfficialPDIC).
Isip statutory receiver, ang PDIC nagbaligya sa mga closed bank-owned assets pinaagi sa public bidding ug negotiated sales. Ang mga kita gikan sa pag-liquidate sa mga kabtangan sa sirado nga mga bangko idugang sa pool sa mga likido nga mga kabtangan sa kini nga mga bangko alang sa pag-apod-apod sa mga wala’y kasiguruhan nga mga depositor ug uban pang mga nagpautang nga gipailalom sa mga lagda sa pag-uyon ug pagpalabi sa mga kredito. Ang paglabay niini nga mga kabtangan nagdugang sa kahigayonan nga mabawi ang mga wala nakaseguro nga mga depositor ug mga nagpautang sa ilang natanggong nga mga pundo sa sirado nga mga bangko. (JSD / PR from PDIC)
